استفسار بخصوص مستشفى ويشتاني

  • بادئ الموضوع samar
  • تاريخ البدء

السلام عليكم و رحمة الله و بركاته أولا احب اشكر القائمين على المنتدى الرائع على ترتيب الاقسام و كثرة المعلومات عن تايلاند ثانيا عندي كام استفسار ارجوا...

samar

عضو جديد
مسجل بالموقع
استفسار بخصوص مستشفى ويشتاني
السلام عليكم و رحمة الله و بركاته

أولا احب اشكر القائمين على المنتدى الرائع على ترتيب الاقسام و كثرة المعلومات عن تايلاند

ثانيا عندي كام استفسار ارجوا اني الاقي اجابات عليهم من الاخوه المقيمين في بانكوك

سؤالي الاول عن مستشفى ويشتاني مفروض اني اسافر ان شاء الله في اقرب وقت علشان اعمل عمليات تجميل .. انا تعرضت لحادث و اتسبب في تشوه الوجه و ارسلتلهم التقارير و الصور و ردوا عليا بالموافقه بس حابه اتأكد عن كفائة الاطباء في تجميل الحروق و ترميم الوجه و الاستعاضه الصناعيه لاني محتاجه اركب عين و جفون صناعيه

ثاني استفسار هما حددولي قيمة العلاج بدون الاقامه و لما سالت عن الاقامه في المستشفى لقيت تكلفتها عاليه جدا و محتاجه انزل في اوتيل او شقه صغيره لمدة شهر و نص انا هكون لوحدي غالبا او بالكتير ممكن يكون معايا مرافق يعني عاوزه مساحه صغيره لكن يكون متوفر النت لازم يا ريت تساعدوني و تدلوني على مكان بالمواصفات دي بأقل سعر و افضل يكون قريب من المستشفى او يكون في الحي العرب و حابه اعرف القيمه المطلوبه في التقرير هي دي بس اللي هدفعها ولا بيطلبوا مصاريف تانيه بعد ما بدخل المستشفى ؟

كمان محتاجه اعرف تكلفة التاكسي من و الى المستشفى و اماكن المطاعم الحلال باسعار معقوله

و اخيرا عاوزه اعرف خطوات استخراج فيزا علاجيه من مصر يعني بعد ما المستشفى تبعتلي الجواب هروح بيه السفاره في الدقي و بعدين ؟ و تتكلف كام ؟

انا اسفه جدا طولت عليكم لكن الموضوع مهم جدااااااااااااااااا و ارجوا مساعدتي و الرد على استفساراتي

 

محمد عبد القادر

مدير السياحة العلاجية في تايلاند
طاقم الإدارة
مسئول بالشركة
استفسار بخصوص مستشفى ويشتاني
رد: استفسار بخصوص مستشفى ويشتاني

وعليكم السلام ورحمة الله وبركاته

مرحبا أختى الكريمه وألف حمد الله على سلامتك بعد الحادث وربنا يشفيكى إن شاء الله .

شوفى يا ستى بخصوص مستشفى ويشتانى إللى حضرتك سألتى عنه هو شهرته عندنا فى تايلاند (ملك العظام) ويعتبر الاول فى علاج العظام فى تايلاند - اما الأقسام الاخرى لديهم فلا علم لى بها حقيقة - لكن عموما العلاج فى تايلاند ممتاز ورعايه رائعه مع خدمه وكفائه عاليه .

بخصوص مستشفى التجميل بعد الحروق أعتقد من الأفضل المرور على مسشتفى (skin hospital) مستشفى متخصص فى الجلديه وأعتقد انهم يفيدوكى أكثر .

بخصوص الأقامه نستطيع ان نوفر لكى سكن بسعر مناسب طوال فترة الشهر ونصف تتلائم مع ظروفك الماديه إن شاء الله .

بخصوص المطاعم : لو عاوزه مطاعم عربيه ستكون قريبه من سكنك قليلا سيرا على الأقدام - ولو مطاعم الوجبات السريعه فستكون أيضا قريبه منك وأعتقد أسعارها أنسب من المطاعم العربيه بكثير .

بخصوص التاكسى : كثيره التكاسى فى بانكوك وستكون القيمه تقريبا من السكن للمستفى ما بين 100 بات إلى 200 بات حسب قراءة العداد (100 بات = 24 جنيه مصرى تقريبا) .

إستخراج الفيزا أمر سهل إن شاء الله - يمكننا ان نرسل لكى نسخه من فوتشر حجز الفندق وتستخرجى به الفيزا بسهوله .

بالتوفيق
 
توقيعي

samar

عضو جديد
مسجل بالموقع
استفسار بخصوص مستشفى ويشتاني
رد: استفسار بخصوص مستشفى ويشتاني

شكرا يا فندم على الاهتمام و سرعة الرد
انا دخلت على موقع المستشفى اللي حضرتك قولتلي عليها .. للأسف انا مشكلتي مش جلديه انا محتاجه عمليات اعادة ترميم و بناء لملامح الوجه علشان كده بحتاج مستشفيات فيها جراحين اكتر من مستشفيات التجميل العاديه اللي بتشتغل على تحسين البشره و ازالة التجاعيد و الشد و الكلام ده

ان شاء الله خير انا قريت التقارير و بالمقارنه مع كلام الدكاتره التانيين اللي روحتلهم هما خطة العلاج اللي عاملينهالي صح ان شاء الله و ربنا الشافي المعافي قبل كل شيء
بعد اذن حضرتك بس تقولي كام تقريبا تتكلف الفيزا علشان بحاول اجمع كل مصاريفي خلال الفتره دي علشان اعمل حسابي على كل حاجه على اد ما اقدر .. اللي انا اعرفه ان رحلات العلاج بتحتاج جواب من المستشفى يتقدم للسفاره مش عارفه زيارة العلاج تختلف عن السياحه في تكاليف استخراج الفيزا او لا ؟
اسفه جدا على ازعاج حضرتك وتعبك معايا .. و بشكر حضرتك مره تانيه
 

المواضيع المتشابهة

أعلى