تقرير رحلتي إلى تايلند صيف 2008

بسم الله الرحمن الرحيم هيا بنا نركب السفينة. ونبحر مع ملك التصوير الفوتوغرافي فهد المنيع في اعماق ارض الابتسامة التايلانديه نتجوّل مع العضو القدير في...

تقرير رحلتي إلى تايلند صيف 2008
بسم الله الرحمن الرحيم


هيا بنا نركب السفينة. ونبحر مع ملك التصوير الفوتوغرافي فهد المنيع في اعماق ارض الابتسامة التايلانديه
نتجوّل مع العضو القدير في شوارع مدينة بانكوك وشلالات وانهار شانق ماي وشواطئ فوكيت
نتجول مع فهد المنيع وهو يصف لنا ما لانراه, وما نراه عن تايلند ...

---------------------------------​



أقدم لكم تقرير رحلتي إلى تايلند صيف 2008 م وأن شاء الله يكون مفيد وممتع في نفس الوقت وأقدمه بشكل حصري لمنتديات سفاري للسفر والسياحة


التحضيرات لما قبل السفر:

في البداية كنت أفكر قبل موسم الصيف عن البلد المناسب لقضاء الإجازة وطرحت أكثر من بلد وبحثت عن طريق الانترنت عن مميزات كل بلد من طبيعة ومرافق سياحية وتسوق وغيرها.. وكم التكلفة المتوقعة ومناسبتها لميزانيتي ..

وبعد البحث ومشاورة بعض الاصداقاء استقر الرأي على تايلند لتكون وجهتي في هذا الصيف .. لعدة أسباب من أهمها: الطبيعة الساحرة - اعتدال الأسعار - المعاملة الطيبة من أهل البلد - الأمن - النظام ..


وبدأت مرحلة جمع المعلومات وقراءة البلد من جميع النواحي قبل موعد السفر بـ 4 شهور وبعدها رحت لمكتب سفر وسياحة اطلع على الحجوزات وأسعارها وصراحة استغربت من صعوبة الحجز ... وحصلت حجز جيد ومناسب على طيران الخليج ( الرياض- البحرين- بانكوك) والعودة (بانكوك - البحرين – الرياض) والتوقف في البحرين ننتظر في نفس الطيارة ينزلون ركاب ويجي غيرهم ..

سعر التذكرة كان جيد وهو 2470 ريال للشخص ... حجزت وقصيت التذاكر فوراً عشان اضمن السعر ما يرتفع وبعدها بدا التخطيط لتوزيع أيام الرحلة على المدن المقترح زيارتها ..


أفراد الرحلة : أنا والمدام​


14ليلة (15 يوم) وزعتها كالتالي :
4 ليالي شانق ماي Chiang Mai
6 ليالي فوكيت Phuket
4 ليالي بانكوك Bangkok

وللأسف تأخرت الرحلة يوم لذلك شلت ليلة من بانكوك .. وهذا أول سلبية أخذتها على طيران الخليج .. اللي أعطيه 6/10 كتقييم شخصي .. حتى خدمة طاقم الضيافة ما كانت بالشكل المطلوب ذهاباً وعودة ونفسياتهم ما كانت حلوة ..


الخطوة التالية هي إخراج الفيزا (التأشيرة) وحجز الطيران الداخلي والفنادق ..

الفيزا تقدر تاخذها من السفارة التايلندية في الرياض أو من مطار بانكوك لكن من السفارة يعطوك مدة أكثر من 15 يوم أما من المطارات التايلندية يعطونك 15 يوم كحد أقصى ولو تأخرت في السفر ياخذون عليك غرامة ..

أنا أخذت الفيزا عن طريق احد المكاتب السياحية في الرياض وسعر الفيزا 130 ريال وياخذون للتعقيب تقريباً 120 ريال على كل جواز وتقدر تروح أنت بنفسك للقنصلية التايلندية وتخلص امورها اذا حبيت وتوفر فلوس التعقيب ... والأوراق المطلوبة هي تعبئة الاستمارة الخاصة وهذي هي
http://riyadh.thaiembassy.org/doc-pd.../visaform1.pdf

3 صور شخصية – صور للجواز – صور من تذاكر السفر – تعريف من العمل - جواز سفر ساري المفعول لأكثر من 6 أشهر

وتجهز الفيزا في مدة يوم او يومين وهذي صورتها في الجواز



وهذا عنوان القنصلية التايلندية في الرياض
Royal Thai Embassy
Diplomatic Quarter
P.O. Box 94359
Riyadh 11693
Tel. (966-1) 488-1174, 488-0797, 488-0300
Fax: (966-1) 488-1179
E-mail : [email protected]
Ministry of Foreign Affairs, Kingdom of Thailand : : Riyadh

وهذا عنوانها في جدة
Royal Thai Consulate-General
2 Safwan Ibn Wahab Street (92),
Off Palestine Street, Behind Jeddah Dome,
Sharafiah Dist.3, P.O. Box 2224, Jeddah 21451
Tel. (966-2) 665-5317
Fax: (966-2) 665-5318
E-mail : [email protected]
http://www.thaiembassy.org/jeddah


بعد الفيزا حجزت الطيران الداخلي للتنقل بين المدن التايلندية عن طريق نفس مكتب السياحة والسفر وأخذت الرحلات كلها على الخطوط التايلندية (Thai)


موقعهم على الانترنت
اضغط هنا

بصراحة اخترتهم لانهم شركة طيران ممتازة ورحلاتها كثيرة والخدمة ممتازة وطائراتهم جديدة ومواعيدهم في وقتها ولكن سعرها شوي غالي لكن تستاهل .
خطة السير كانت ( بانكوك-شانق ماي-فوكت-بانكوك) بقيمة 1600 ريال للتذكرة​

والتذاكر صدرها لي المكتب السياحي اللي تعاملت معه من وكيل الخطوط التايلندية في الرياض (المعجل) على حد كلامهم ..​


بعد ما انتهيت من حجز الطيران بديت في حجز الفنادق .. وكانت أهم النقاط اللي ركزت عليها هي موقع الفندق ونظافته وخدمته المميزة ويكون ضمن الفئة 4 او 3 نجوم قدر المستطاع .. وبحثت في الانترنت عن أفضل الفنادق في كل مدينة إلى أن سويت لي قائمة بأفضل الفنادق في كل مدينة وشيكت على الأسعار إلى أن توكلت على الله وحجزت الفنادق التالية :​


- شانق ماي: فندق رويال برنسيس (Royal Princess) فئة 4نجوم

- فوكيت : ليلتين في منتجع موفنبيك (Movenpick) فئة 5نجوم و 4 ليالي في فندق الهولدي ان (Holiday Inn) فئة 4نجوم

- بانكوك : فندق بايوك سكاي (Baiyoke Sky) فئة 4نجوم

وراح اتكلم ان شاء الله عن كل فندق بالتفصيل من خلال التقرير ..​


بالنسبة للفلوس أخذت معي مبلغ بالدولار يكفي إن شاء الله للأكل والشرب والتنقلات والرحلات ومعي فيزا راح استخدمها في الشراء من الأسواق والمحلات الكبيرة
وبكذا انتهيت من مرحلة ما قبل السفر وهي (حجز الطيران الخارجي والداخلي واستصدار الفيزا وحجز الفنادق وتجهيز مبلغ بالدولار) وكل هذا تم قبل موعد السفر بفترة طويلة وباقي الوقت اطلعت فيه على الرحلات في كل مدينة وعلى الأماكن السياحية الجميلة والأسواق وغيرها .. وسجلت المعلومات وأخذتها معي في السفر ..​



وجهزت بعد عدة التصوير من كميرا فيديو وكميرا للتصوير الثابت وعدسات وفلاتر وحامل ثلاثي الأرجل وذاكرة احتياطية وهذا كله لاني من محبي التصوير والمسافر العادي بامكانه اخذ كميرا صغيرة للتصوير الثابت وكميرا فيديو



ممكن البعض يقول إني مبالغ شوي في الاطلاع والبحث والترتيب ولا أعطيت مجال للمفاجآت والتجارب والمغامرات لكن أنا أشوف إن التنظيم السليم والمبكر أساس نجاح أي رحلة لأنك رايح رحلة استجمام تنسى فيها هموم الحياة ومتاعبها فمن المفترض تنهي كل شي قبل السفر وبوقت عشان تتفرغ للترويح عن النفس وغير كذا ممكن يكون أوفر في بعض الأشياء مثل تذاكر الطيران اللي تتدبل في الإجازة .. .. وكل شخص يختار اللي يناسبه حسب وجهة نظره ..
 
تقرير رحلتي إلى تايلند صيف 2008



توقفنا عند مرحلة ما قبل السفر والترتيبات والحجوزات التي صاحبتها وسأبد في مرحلة ( السفر) ولكن ليسمح لي الجميع بتقديم هذه النبذة البسيطة عن تايلند ليكون التقرير اكثر شمولية وفائدة ، ومن ثم ابدأ في مرحلة السفر



مملكة تايلند

THAILAND




معلومات عامة عن البلد (المصدر:موقع السفارة التايلندية في الرياض)
هنا الموقع لمن اراد المزيد من المعلومات


تاريخهـا : إن مملكة تايلاند لها تاريخها الطويل يسـتطيع الوقوف عليه من مشـاهدة الآثار القديمة من أيـام أجـداد هـذا الشـعب ومن فحوص الآثـار القـديمة يسـتدل بها على أن لهـذه المملكة مهـد الحضارة قـديمة تضاهـي حضارات مصر القديمة والصين بسـبب احتفـاظهـا على حريتهـا منذ وقت طويـل جعلهـا تحتفظ بعلامة مميزة لحريتهـا واسـتقلالهـا سـواء من ناحية إقتصادية أوسـياسـية أوإجتماعية أوثقافية من أجل ذلك يستطيع أي زائر يزور مملكة تـايلانـد أن يلمس ذلك من هـذا الشـعب الأبـي وخصوصا إذا تعامل مع كل أفراد من هـذا الشعب أو الوقوف على عاداتهم وتقاليدها حتى تسمى هذه المملكة النائية بـ "بلد الابتسامة" كما أن تـاريخ مملكة تـايلانـد ينقسـم إلى عـدة عصور ولأشـهرها ثلاثة عصور هي عصر سوخوتاي (1257-1350م وعصر أيوتايا (1350-1767م) وعصر راتاناكوسـين من عـام 1783م حتى الآن من هنـا أخـذ بالنهوض والتقـدم في مختلف الميادين على طريق غربي وإقامة العلاقات الطيبة مع دول العالم وأصبحت دولة متطورة على نفس المستوى للبلدان الغربية مع الإحتفاظ بإسـتقلالها دون الوقوع تحت إسـتعمار غربي







جغرافيتها: تحـدهـا شـمالا جمهوريـة مينمار (برمـا) الإتحـاديـة الإشـتراكية وجمهوريـة لاوس الديمقراطية الشعبية وكمبوديا الديمقراطية وجنوبا مملكة ماليزيا وغربا جمهورية مينمار الإتحادية الإشـتراكية وبحر أندامان ومضيق مالاقـا
مسـاحتهـا تبلـغ 956ر512 كيلومتر مربع يسـاوي 455ر198 ميل مربع طول البلاد 500ر1 كيلومتر مربع بينما العرض 800 كيلومتر مربع
تنقسـم أراضي تـايلانـد إلى خمسـة أقسـام
1ــ السـهول الوسـطى وهي المناطق الزراعية مزدحمة بالسـكان لخصبها
2ــ المناطق الجبلية على السـاحل الغربـي يتكون من الجبال الشـمالية وسـلسـلة الجبال الغربية
3ــ مناطق السهول العالية محافظة خوراش وهي على ارتفاع تتراوح بين 2ر333 قدم فوق البحر وهذه المنطقة تقل فيها الأمطار والرطوبة
4ــ منطقة الساحل الشرقي واقعة عند الخليج التايلاندي تحيط بها سلسلة الجبال الساحلية وهي منطقة سياحية بجرية
5ــ منطقة رأس حربة جنوبية لها سلسلة الجبال الطويلة مشهورة بخيراتها الطبيعية


اللغـات الرسـمية : هي اللغة التايلاندية

الديـانـة الرسمية : هي البوذية وأكثرية الشعب على هذه الديانة أي نسبة 7ر93 في المائة وتليها الديانة الإسلامية وعدد معتنقيها 7ر3 في المائة وتليها المسيحية تمثل 6ر3 في المائة

السـكان : بلغ عدد سكانها حاليا 63 مليون نسمة ويمثلون عشر في المائة يعيشون في بانكوك العاصمة وشعب تايلاند له أخلاق وآداب خاصة موروثة من جيل إلى جيل منذ قديم الزمان وله ميزة خاصة في العادات والتقاليد لأنه لا يخضع لأي سيطرة أجنبية حتى الآن وهناك أخلاق أخرى معروفة لدى الناس في العالم وهي مراعاة لحقوق ومشاعر الآخرين حين يتعامل معهم ولتايلاند إسم آخر يقال لها أرض الإبتسامة لأن شعبها يمتلك بشاشة الوجه وإبتسامة دائمة وهذه تدل على ترحيب الضيوف والأجانب ،

ومعظم سـكان مملكة تايلانـد يشـتغلون بالزراعة المتعددة تقدر 87 في المائة منها زراعة الأرز والذرة والقصب والجـوز الهندي واللوز السـوداني والسـمسـم والقطن والكتان والخضار والفواكه والمطاط والشـاي والبن واللوز الأخضر

الصادرا ت الرئيسـية: الأرز بأنواعها والدقيق والزيوت النباتية والمطاط ومشـتقاتها والذرة واللوز والشعير والكتان والبن والورود والزهور والسمسـم والفواكه الطازجة والفواكه المعلبة والتمباك والبهار والفواكه الطازجة والسردين المعلبة والتونة المعلبة والأسماك والروبيان والأسماك المملحة والمجففة والدجاج المثلجة والجلود والريش وبيض الطيور واللحوم ومنتجات خشـبية بـأنـواعها بما فيها الأثـاث المنزلية ومنتجـات الخزف والأدوات الكهربائية والمنتجات الكيماوية منتجات المعادن وقطع غيار بمختلف الأصناف والملبوسـات والمنسـوجات والأقمشـة والملابس بأنـواعها وغيرها

قطاع السـياحة : أهـم أشـياء التي تجذب السـياح إلى مملكة تايلانـد هي الأماكن الأثـريـة الموجودة فيها فضلا عن سـحر المناظر الطبيعية من سـاحل البحر والغابات والشـلالات والقنوات والكهوف والقنوات والأنهار والبحيرات والجزر وألوف مؤلفة من أنواع الزهور والورد بالإضافة إلى العادات والتقاليد التي تختلف عن بلدان أخرى في نفس المنطقة من العالم

نظام الحكم والسياسة في تايلاند : نظام الحكم فيها النظام الديمقراطي الملكي يكون الملك كرمز للسلطة العليا في الدولة وعناصر ويعتبره مناسبا لطبيعة شعب تايلاند لأنه يتيح الفرصة للأفراد أن يشارك في الحكم حسب مؤهلاتهم ومقدرتهم ولتايلاند السلطة التنفيذية تتكون من رئيس الوزراء والوزراء بحيث لايزيد عن 44 شخصا بتعيين بالمرسوم الملكي ويجب عليهم تقديم الولاء أمام جلالة الملك قبل ممارسة وظيفتهم ويتحمل مجلس الوزراء المسئولية أمام البرلمان

المسلمون في تايلاند : جاء الدين الإسـلامي إلى تايلانـد قبل قيام دولة سـوخوتاي على أن هذا الدين بدأ ينتشر في شبه جزيرة ملايو أولا ثم جاء إلى هذه البقعة من الأرض عن طريق تجار العرب الذين جاءوا للتجارة ولنشـر الديانة الإسلامية معا وفي عهد دولة سري أيوتايا (1590ــ1605م) جاء تاجر من فارس إسـمه الشـيخ أحمد إلى تـايلانـد واسـتوطنها وأقـام مركزا للتجارة في مدينة أيـوتـايـا
أما المسلمون في جنوب تايلاند هم مواطنون أصليون ولم يتصل نسبهم إلى التجار أو الأجانب وأنهم مواطنون محليون مقيمون في هـذه البقعة قبل الميلاد بـ 43 سـنة

عدد المسلمين في تايلاند : بالنسبة لعدد المسلمين حاليا فحوالي 6 ملايين نسمة يعيشـون منتشـرين فـي أنحـاء تـايلانـد معظمهم يعيشـون فـي أربـع ولايـات جنوبيـة وهـي جـالا وفطاني وسـاتـول وناراتيـواس أي بنسـبة 80 في المائة من عدد المسـلمين في تايلانـد

العملة : البات


وهنا توضيح .. كم يساوي الدولار الامريكي مقابل البات التايلندي وكذلك الريال السعودي



Sunday, October 26, 2008



USD1 = 35.00300 THB



SAR1.00 = 9.33588 THB



ولمعرفة باقي العملات امام البات بالامكان الدخول الى هذا الموقع والي يعطيك الاسعار بشكل يومي

هنااااا



وهذي صورة لفئات البات التايلندي

 
تقرير رحلتي إلى تايلند صيف 2008
مرحلة السفر

انطلقنا على بركة الله وتوفيقه من الرياض في يوم 9/8/2008 في الساعة 6 مساءً وتوقفنا في البحرين ومدة الرحلة تقريباً 50 دقيقة.. والتوقف كان لمدة ساعة طلبوا منا ننزل لطيارة ثانية واستغليناها فرصة نصلي المغرب والعشاء جمع تقديم واقلعنا إلى بانكوك ومدة الرحلة 6 ساعات ونصف تقريباً وكانت الطيارة غالبيتها أوربيين وأجانب والحمد لله بعد ما أكلنا وجبة الطيارة حطيت راسي وغطيت في سابع نومه لمدة 3 ساعات
وحسيت إننا وصلنا بسرعة بعكس الرجعة اللي كانت معاناة


في الطيارة سلمونا كروت نعبيها ونسلمها في المطار عند القدوم وعند المغادرة وتحتوي عن بعض المعلومات ( الاسم ورقم الجواز وتاريخ الميلاد وسبب السفر ورقم الرحلة ورقم الفيزا ) ويتشددون فيها يعني لازم تسجل كل شي ..

كان المقرر الوصول إلى مطار بانكوك الساعة السابعة صباحاً من يوم 10/8/2008 وكنت حاجز رحلة من بانكوك إلى شانق ماي في نفس اليوم الساعة 10 الصباح يعني ماله داعي أضيع لي يوم في بانكوك وأنا ابرجع لها آخر محطة .. المهم وصلنا متأخرين ساعتين عن الموعد المحدد





وبسرعة حاولت استلم الأمتعة واختم القدوم والحمد لله انتهيت من الإجراءات وباقي على الرحلة ساعة إلا ربع تقريباً وتوجهنا للصالات وقصينا البوردنق وفي نفس الموعد اقلعنا إلى شانق ماي على الطيران التايلندي وصراحة فرق عن طيران الخليج في الخدمة والتنظيم .. ولما اقتربنا من شانق ماي اخذت هالصورة من الجو







شانق ماي Chiang Mai

شانق ماي مدينة تقع في شمال تايلند وتعبر ثاني اكبر مدينة في تايلند وطبيعتها جبلية وتتميز بطبيعة ساحرة من جبال الى انهار وشلالات وجوها روعه .. جلسنا فيها 4 ايام ما شفنا فيها الشمس الا 10 دقايق تقريباً


بعد ما استلمنا الامتعة في مطار شانق ماي اخذنا تاكسي من المكتب اللي خارج المطار لأنه ارخص من مكاتب التكاسي اللي داخل المطار وتوجهنا لفندق رويال برنسيس مقر اقامتنا وكان الجو غيم ومنعش والارض واضح عليها نزول المطر ..

وصلنا لفندق رويال برنسيس وبصراحة شكله الخارجي قديم لكن من الداخل حلو واثاثه جديد وخدمتهم جيده وأول ما وصلنا ضيفونا عصير وأعطيناهم فوشرات الحجز وبسرعة خلصوا امورنا ... واكثر شي اعجبني في الفندق موقعه .. يعني نفس ما سمعت عنه .. موقعه في قلب الحدث .. تطلع من الفندق تلقى قدامك كل شي .. محلات صرافه .. مطاعم .. كفيات .. السوق الليلي (نايت بازار) .. سوبر ماركت .. مكاتب سياحية .. يعني ما تحتاج للتاكسي ابد .. وفيه مجمع تجاري اسمه Pantip Plaza كله محلات الكترونيات واجهزة (جوالات – كميرات – اجهزة منزليه .......الخ) وموقعه اول ما تطلع من الفندق خذ الشارع يمين وبتمشي لك مسافه 200 متر تقريباً وتحصله على يدك اليمين

هذي بعض الصور لفندق رويال برنسيس..




مدخل الفندق



مكان الافطار



ممرات الغرف



الغرفة من الداخل



هذا الحمام (اعزكم الله)



بعد ما ارتحنا شوي نزلنا نستكشف المكان ونتمشى شوي خاصة اننا واصلين الظهر ومعنا النهار كله .. واشترينا بعض الأغراض ورجعنا للفندق .. طبعاً الآن لازم ارتب للرحلات من بكره وكنت ماخذ رقم مكتب اسمه مهاجرين لاخوان مسلمين من تايلند مدحوه بعض الشباب في النت .. اتصلت عليهم من الفندق وسألتهم عن موقعهم وعن رحلاتهم فقالوا بنرسل لك السواق ياخذك من الفندق وفعلاً جاء السواق واخنا للمكتب وطلع خطوتين عن الفندق واستقبلنا الاخ حمزة وعطانا برنامج الرحلات اللي عنده ورشح لنا الأفضل منها واتفقنا معه على اول رحلة وهي ركوب الفيلة وركوب البامبو في النهر وركوب العربات اللي تجرها الجواميس وعروض الفيلة مع وجبة غداء ..

طبعاً هو قالنا مدامكم في النهار انصحكم تاخذون جولة في النهر اللي يمر في وسط المدينة وتشوفون معالمها وبلغنا انه قريب من هنا وقال بخلي السواق يوديكم ويرجعكم مجاناً الله يجزاه خير

توجهنا للنهر وقصينا التذاكر بـ 250بات يعني بحوالي 28 ريال للشخص ..

ركبنا قارب طويل ومعنا مجموعة من السياح ومشى في النهر بسرعة بطيئة والجميع يصور ويتفرج على المدينة وعلى الصيادين والمطاعم وبيوت الأثرياء والفنادق والجو كان غائم والهواء يالله براد الجنة وهذي بعض الصور


من هنا الانطلاق



صور القارب من الداخل



باقي الصور توضح المكان بشكل عام
















بعد ما يقارب الساعه وقفنا في مكان فيه مطعم صغير وقدموا لنا فواكه وعصير من ضمن سعر التذكرة واسترحنا فيه لمده 20 دقيقة تقريباً ونزل المطر ماشاء الله ، وبعدها رجعنا للمكان اللي انطلقنا منه والسماء كل شوي تمطر والجو جميل .. ووصلنا لمحطة البداية بعد ما قضينا حوالي ساعة ونصف في النهر والوقت قارب للمغرب .. ولقينا سواق مكتب مهاجرين ينتظرنا واخذنا للفندق .. واستعدينا لأول الرحلات في الغد ..


في صباح اليوم التالي افطرنا في الفندق وجهزنا انفسنا للرحلة الأولى وهي عبارة عن: (عروض الفيلة-ركوب العربات اللي تجرها الجواميس-ركوب البامبو في النهر-عروض الفيلة-وجبة غداء) قيمة الرحلة 1400 بات ما يعادل 159 ريال للشخص شاملة المواصلات والغداء من 9 صباحاً الى 5 عصراً...

وفي الساعة 9 صباحاً جاء سواق المكتب وأخذنا للجبال ..

الطريق طويل شوي لكن المناظر حلوه والجو لطيف ..

وهذي صور من الطريق








وصلنا للموقع وكانت البداية بعروض الفيلة .. لعب كرة القدم وكرة سلة ورقص والغريب ان فيلين قعدوا يرسمون لوحات تشكيلية صراحه حلوة وعرضوها للبيع بعد ما انتهت العرض

وهذي صور لعرض الفيلة


















بعد عرض الفيلة توجهنا لركوب العربات الخشبية اللي تجرها الجواميس وكانت تجربه مضحكة وممتعة في نفس الوقت والجو عليل والمناظر حلوة















بعدها وقفونا في مكان فيه محلات تبيع ملابس ومشغولات يدوية وريحنا فيه بعض الوقت









وبعدها ركبنا الفيل ..في البداية كان مخيف شوي وارتفاعه عالي لكن تجربه رائعة استمتعنا فيها وخاصة انه يمشي في غابة وبين اشجار واحياناً نتقابل مع فيل ثاني في مناطق ضيقة يعني فيه اكشن حلو .. والسواق مقلع شوي يجلس على رقبته وشوي ينزل وشوي يتعلق عليه .. صراحه لعبتهم الفيل ذا التايلنديين













بعد الفيلة ركبنا البامبو وهو عباره عن قارب من القصب يمشي في النهر وسط الجبال وبين الاشجار والجو لطيف مع بعض الرذاذ















بعدها قدموا لنا وجبة الغداء ... الله يكرم النعمة ما اكلنا منها شي .. اسوء مافي تايلند الاكل ..


وبكذا انتهينا من الرحلة ورجعنا للفندق .. وفي الطريق مرينا معرض للزهور الدخول بالمجان فقلنا نتفرج شوي على بعض الزهور .. بس طلع خاص بزهرة الاوركيد وهذي بعض صور الزهور















وبكذا انتهى اليوم الاول من الرحلات واللي كان مميز وفيه تجارب حلوة والاجمل من هذا الجو اللطيف والممطر بين جبال شانق ماي الخضراء .. ورجعنا للفندق ..


في الليل يبدا النايت بازار (السوق الليلي) وهو عباره عن كوشكات تبيع الملابس والتحف والشنط والاشياء اليدويه والجلديات والماركات المقلدة وكل شي .. بس لازم تكاسرهم في السعر يعني لو قالك 500 بات قله بـ 100 بات ..

كالعادة في الليل نطلع بشكل خفيف في المنطقة المجاورة للفندق وغالباً للعشاء او التسوق وبعدها نرجع للنوم المبكر والاستعداد للرحلات في اليوم التالي ..


وهذي صور للسوق الليلي اخذتها من نافذة غرفة الفندق








 
تقرير رحلتي إلى تايلند صيف 2008
لازلنا نستمتع بجمال الطبيعة في مدينة شانقماي وموعدنا في هذا الجزء مع رحلة الشلالات واعلى قمة جبل في تايلند



رحلة الشلالات وزيارة أعلى قمة جبل في تايلند

في اليوم الثاني من تواجدنا في شنقماي وبعد رجوعنا من رحلة الفيلة اتصلنا بالاخ حمزة لحجز رحلة ليوم غد وكانت الرحلة للشلالات وزيارة اعلى قمة جبل في تايلند مع وجبة غداء شاملة المواصلات من وإلى الفندق وسعر الرحلة للشخص 1200 بات = 136 ريال من 8.30 صباحاً الى 5 مساءً ..



وفي الوقت المحدد صباحاً انطلقنا بسيارة ميني باص وكان معنا اخ سعودي معه زوجته (صار لي معه قصه غريبة راح اقولها في نهاية الرحلة) وكان الطريق طويل يعني تقريباً مشينا 50 دقيقة الى ان وصلنا للجبل والطريق ملتوي وكل ما ارتفعنا كلما زاد الجو برودة والرذاذ ينزل باستمرار لكن متعة الطبيعة تنسيك طول المسافة .. وهذي صور من الطريق











وصلنا لاول محطة وهي عبارة عن شلال توقفنا عندة لمدة نصف ساعة تقريباً .. اول ما تنزل يعلمك السواق الطريق ويعطيك التعليمات ويبلغك الوقت المحدد للجلوس في المكان .. ومشينا للشلال وكان قريب جداً من الموقف .. بس المشكلة ما نقدر ننزل له او نغير المكان للتصوير .. يعني هم محددين مكان تشوفه عن طريقة .. المهم اخذت له كم صورة على السريع









بعدها استمرينا في الارتفاع والطريق كله انحناءات بس المناظر جميلة وما تشوف الا اللون الأخضر .. ومع الارتفاع وصلنا للغيم وصار الطريق كله غيم والجو بارد إلى أن توقفنا في مكان وسط الغيم فيه كوفي شوب ومحل ملابس وفيه معبد بوذي وفي الجهة الثانية معبد ثاني طور البناء ..


بس الجو ما يخليك تستمتع بالمكان .. تخيل انك وسط الغيم .. الرؤية غير واضحة والملابس تربص في ثواني رغم ان نفس السواق اللي معنا طلع لنا شمسيات لكن الجو ما يساعد ولا تقدر تصور لان الكميرات بتتأثر من الرذاذ اللي في ثواني يخلي كل شي رطب وانصح أي واحد يبي يروح ياخذ معه لو جاكيت عن البرد وشمسية .. وهذي صور توضح المكان








جلسنا شوي في الكوفي وشربنا قهوة وبعدها كملنا الطريق باتجاه اعلى قمة جبل في تايلند ..


الى ان وصلنا المكان.. وهو عباره عن زي الحديقة الصغيرة تطلع لها فوق وتحصلهم حاطين فيه لوحة تبين الارتفاع ومكان للتصوير بحيث يوقف الشخص على المكان وبهذا يكون وقف على اعلى قمة في تايلند

وهذي صور للمكان اخذتها بكميرا جوال N95 لاني خفت على الكميرا من الرذاذ في الجو ..









وهذي صورة اعلى قمة جبل في تايلند





بعدها رجعنا نازلين ومتوجهين للشلال الكبير وتناول وجبة الغداء (ضمن التذكرة)

في الطريق توقفنا عند محلات تبيع الفواكه وبعض المشغولات اليدوية والتحف ونزلنا نتمشى فيها شوي ونشتري ..











بعدها وصلنا لمكان الشلال وهو عباره عن منتزة فيه مطعم ودورات مياه (تكرمون) وشلال كبير .. .. المهم وقفنا للغداء وطلع السواق جايب معه غداء مخصوص عبارة عن رز وربيان وسلطة وفواكه والسبب ان الاكل اللي في المطعم ماهو حلال













خلصنا الغداء ولله الحمد


واخذنا الكميرا واتجهنا للشلال وصراحة مكان روعة والشلال كبير وصوته قوي لدرجة اننا ما نقدر نوقف قدامه لان الرذاذ مالي الجو بسبب قوة اندفاع المياه لذلك ما قدرت اصور زين لان الكميرا بتخرب من المويه والعدسة اساساً يطلع فيها قطرات الرذاذ في ثواني ورحت جبت كيس لبست الكميرا فيه لعل وعسى نخفف من المشكلة ... و هذي بعض الصور صورة توضح المكان والشلال ..






























بعد ما استمتعنا بالمكان وصورنا وتمشينا انتهت الرحلة ورجعنا للفندق بعد يوم ممتع استمتعنا فيه بالطبيعة في جبال شنقماي الرائعة وانصح اي شخص يزور شنقماي يزور هالاماكن لما فيه من طبيعة وجمال ..


طبعاً سالفة الاخ السعودي اللي كان معي في الرحلة خطوة بخطوة وفي نفس السيارة واكلنا في نفس المطعم ورحنا وجينا لمدة نصف يوم .. سالفة غريبة ههههه

بعد ما رجعت من السفر بشهر تقريباً وفي رمضان بالتحديد ... نظمنا انا وبعض الاخوان افطار جماعي في رمضان لاعضاء ومشرفي احد منتديات الانترنت التابعة لنا وافطرنا وقبل ما نصلي المغرب قالي واحد من الشباب انت رايح لتايلند قلت ايه وجنبه شخص ما اعرفه صراحه .. قالي الشخص اللي معه متى رايح قلت له بتاريخ كذا .. قال انا رايح في نفس التاريخ .. سألني على أي خطوط قلت الخليج قال لا انا رايح مع الاتحاد ... قلت وجهك ماهوب غريب علي .. قال انا بعد شايفك بس وين ما ادري ... واعصر ذاكرتي .. وافكر ... قلت له انت رايح رحلة للشلالات في شانق ماي ؟؟ ... قال معقول انت اللي معي في السيارة هههههه فقلت ايه بس شلون ما عرفتك على طول ... يمكن الشماغ والثوب غير الشكل .. ... سبحان الله على هالصدف .. طلع الاخ عضو معنا في المنتدى من زمان واعرفه عن طريق المنتدى ههههههه صدق الدنيا صغيرة


نرجع للتقرير .. .. وصلنا عند مارجعنا من رحلة الشلالات


طبعاً في الليل عندنا السوق الليلي في شارع الفندق نتمشى فيه ونتعشى في احد المطاعم الموجودة عند الفندق ماكدونالدز .. بيتزا هت .. برقر كنق ..... الخ

بس تعبنا من سالفة الاكل .. يعني حتى البرقر والبيتزا ما ناخذ الا مأكولات بحرية او خضار لان ذبحههم ماهو على الطريقة الاسلامية ... والله اشتهيت كبسة رز بلحم ومعها كأس لبن اخخخخ



بعد العشاء نرجع للنوم ووقت النوم غالباً من الساعة 9 إلى 10 ليلاً يعني مافيه سهر لان حلاة تايلند في النهار .. ومن صباح الله خير قايمين .. وغير كذا الرحلات متعبة لذلك انصح الاخوان اللي اقامتهم طويلة في شنقماي يخلون يوم رحلة ويوم راحة وتمشي وتسوق افضل لهم لان الرحلات مجهده ووقتها طويل ..


اليوم الرابع من تواجدنا في شانقماي قررنا ما نروح رحلات لاننا مجهدين وحبينا نريح وناخذ لفة في المدينة .. قلنا نغير من التكاسي وناخذ جولة في المدينة على التوك توك وهو عبارة عن دباب ووراه زي العربه تاخذ شخصين .. قلنا تجربة جديدة خاصة ان الجو في شنقماي روعة وغيم ومطر
 
تقرير رحلتي إلى تايلند صيف 2008
جولة في المدينة على التوك توك



في الصباح الباكر وبعد ما انتهينا من الافطار في الفندق نزلنا للشارع لقيت لي واحد معه توك توك وقلت له ابي آخذ لفه على المدينة قالي تدفع 200 بات الف بك و اوديك لمصنع الحرير ومصنع الجلديات والتحف والعسل والذهب وشغلات واجد وقال بتقعد ساعه او ساعتين او عشر بنفس السعر.. قلت له 100 بات ركبنا معك والا مشكور
... قال بـ 200 بات ... ما دريت الا عجوز طالعه لنا ما ادري من وين وتكلمه وتهوش عليه هع هع
طلعت امه ناطله اذنها عندنا وجت تهوش عليه وتقول خذ 100 لا اتوطى في بطنك خخخخ المهم وافق على 100 بات (ما يعادل 11 ريال) وركبنا


وهذي صورة التوك توك مع الاجودي اللي ودانا عشان توصل الفكرة




يا حليله مغمض من زود الادب



شغل الدباب ودعس بنا والهواء يهفهف وبراد على كيف كيفك ...




قعد يتمشى بنا في شوارع شانقماي وبصراحة متعة ذا التوك توك خاصة اذا كان الجو حلو وانصح زوار تايلند بتجربته وبالتحديد في شنقماي لان الجو يساعد ..



وصلنا لمعرض الحرير وهو عبارة عن معرض كبير للحرير من ملابس ومفارش واقمشة والعاب وهدايا وبراويز واشياء كثيرة مصنوعة من الحرير ..مسوين هم حركة حلوة تفيدهم وتجذب السواح ... اول ما توصل يستقبلونك استقبال حلو ويدخلونك ويمرون بك على كل مراحل صناعة الحرير من شكل الدود في البداية الى كيفية تكوين الحرير ويورونك الآلات والناس وهي تغزل الحرير ويشرحون لك كل المعلومات من إلى ...

وفي الاخير تدخل المعرض اللي فيه منتوجاتهم وشي طبيعي بتشتري لانك بتستحي عقب هالشروحات تطلع ما شريت هع هع

المهم تفرجنا على منتوجاتهم وشرينا بعض الاغراض وهذي صور للمكان





















وهذي صور المعرض او الحرير في شكله النهائي















بعدها رحنا لمعرض الذهب وهو عبارة عن صالة كبيرة فيها اشكال وانواع الذهب والفضة والألماس ونفس الطريقة يستقبلونك ويمرون بك على الذهب ويحاولون يقلبون راسك بس المشكله هنا اذا بغيت تشتري بتدفع مبلغ وقدره يعني ماهي فوطة مصنوعه من الحرير تشتريها تسكيت
هع هع والا فيل صغير مصنوع من القطن هع هع ... المهم قلت للمدام ابشري بالخير ... واخذنا فيه لفة وصراحة اسعارهم مناسبة وجيدة مقارنة بالاسعار عندنا في السعودية ...

هذي صور لمعرض الذهب
















طلعنا من الذهب ورحنا لمحل يبيع العسل واستقبلونا استقبال مميز كعادتهم وجاء واحد يتكلم لغة عربية وقال تفضلوا ودخلنا في غرفه مكيفة وفيها طاوله وكراسي وقعد يشرح عن العسل وانواعه وقعد يذوقنا .. طبعاً انا اقدر اقوله شكراً وامسك الباب ولا يقدر يقول شي لان المسألة حرية شخصية .. لكن ماخذينها على سعة الصدر ونحاول قدر المستطاع ما نأثر على الميزانية ... المهم الرجال ذوقنا من العسل وقال انه يجي من الجبال وطبيعي جداً وبدون سكر وشريت منهم كيلو بـ 160 ريال تقريباً وبصراحه بعد ما رجعت تحسفت اني ما اخذت اكثر لجودة العسل ولرخص سعره مقارنة بالاسعار عندنا .. وهذي صور للمكان













بعدها رحنا لمعرض الجلود وهو عبارة عن منتجات كلها مصنوعة من الجلد مثل الشنط والجزم (اعزكم الله) والاحزمة والمحافظ واشياء كثيرة

اول ما دخلنا لقينا هالمملوح عند الباب ... شكلهم مخططين على الفرو حقه






وهذي المنتجات








بس ما اعجبنا المعرض والاسعار شوي غاليه فطلعنا من المكان ..




راعي التوك توك اتوقع انه ياخذ عموله من اصحاب المعارض لان الرجال اعجبته السالفه وناوي يمر بنا على كل معارض شنقماي
هع هع وانا مستغرب 100 بات ولنا ثلاث ساعات معه !!

المهم ملينا وقلنا يكفي رجعنا للفندق...




ريحنا في الفندق والعصر طلعنا لمجمع Pantip Plaza القريب من الفندق وهو خاص بالاجهزة الالكترونية والكميرات والجوالات والكمبيوترات والاجهزة الكهربائية .. بس ممنوع دخول الكميرا .. تسوقنا وشريت شنطة للكاميرات الاحترافية فيها اماكن للعدسات وجميع مستلزمات الكميرا .. وبعدها رجعنا الفندق ..

طبعاً اليوم التالي بتكون رحلتنا لجزيرة فوكيت فقلنا نستغل باقي هاليوم وسمعنا عن شي اسمه نايت سفاري وهو عبارة عن سفاري ليلية فقلنا نستغل الليلة الاخيرة في شنقماي..



النايت سفاري

دقيت على الاخ حمزة (مكتب مهاجرين) وقلت له ابي اطلع سفاري الليلة وحجزت من عنده بـ 500 بات للشخص يعني ما يعادل 56 ريال وتبدأ الساعة 8.45 مساءً







جانا السواق واخذنا للنايت سفاري ... المكان متعوب عليه صراحة ومباني ومجسمات وشغلات .. والتنظيم رائع .. وهذي صور المكان













النايت سفاري عبارة عن عربات تمشي في وسط غابة فيها حيوانات كثيرة منها الاليف ومنها المتوحش ويوجهونك ما ترفع صوتك في الكلام ولا تستخدم الفلاش في الكميرات عشان ما تنزعج الحيوانات لانها مطلوقه بدون شبك او شي ... المهم ركبنا وصاروا يمرون بنا على كل نوع ويولعون بالانوار عليها ويشرحون عنها ويروحون للي بعدها وجلسنا على هالحالة لمدة ساعة او اقل شوي .. وبصراحة البرنامج اعتبره عادي جداً مقارنة بتجهيزات المكان والتنظيم الرائع .. والسبب اننا ما نشوف الحيوانات زين ولا نقدر نصور بسبب ضعف الاضاءة ومنع الفلاش يعني مكان عادي من وجهة نظري .. وهذي بعض الصور واعتذر لقلة الدقة بسبب ضعف الاضاءة في المكان ..















بعدها قدموا لنا عروض للنوافير (ضمن التذكرة) وهي عبارة عن نوافير معها اضواء مصاحبة وتسوي اشكال والوان جميلة












بعد انتهاء عرض النوافير مرينا معرض فيه اشياء تذكارية عن المكان وصور للحيوانات ..









وانتهت رحلة النايت سفاري ورجعنا للفندق لتجهيز الشنط والاستعداد للسفر لجزيرة فوكت ..


قبل ما انتقل لجزيرة فوكيت حبيت اذكر بعض الاماكن اللي سمعنا عنها في شانق ماي ولا زرناها ، اما بسبب ضيق الوقت او لعدم رغبتنا الشخصية فيها لكني بذكرها عشان الجميع يستفيد من المعلومات ويبحث عنها بشكل اكبر اذا هي تستحق الزيارة او لا ..

- قبيلة الاعناق الطويلة – شانق راي – المثلث الذهبي – المدينة العتيقة – عروض القردة والافاعي – العين الحارة


وبكذا انتهت مدة اقامتنا في شانقماي (4 ليالي) وكانت ولله الحمد جميلة ومميزة والجو فيها رائع ومعها راح انهي هذا الجزء اللي اتمنى يكون مميز وجميل وان شاء الله نكمل بعد التوقف رحلتنا الى جزيرة فوكيت ومافيها من رحلات بحرية وتغطيات كثيرة ان شاء الله ...

وصلى الله وسلم على نبينا محمد

 
تقرير رحلتي إلى تايلند صيف 2008
نكمل بعد توفيق الله تقرير رحلتي الى تايلند 2008


وصلنا لموعد السفر من شانق ماي الى فوكيت بعد ان قضينا فيها 4 ليالي ... وانتقلنا على بركة الله الى جزيرة فوكيت


فوكيت


وصلنا بحمد لله وقوته الى جزيرة فوكيت بعد رحلة طويلة بعض الشيئ حدود الساعتين .. لبعد المسافة بين شانق ماي في الشمال وفوكيت في الجنوب ..


جزيرة فوكيت تعد من افضل الجزر في العالم لنظافة شواطئها وصفاء مياهها وكان لها نصيب الأسد من عدد ايام الرحلة 6 ايام تقريباً وفضلت اقسمها لقسمين ..

القسم الأول قضاء ليلتين في منتجع موفنبيك في شاطئ الكارون والقسم الثاني قضاء 4 ليالي في فندق الهولدي إن في شاطى الباتونق

الغرض من التقسيم ان المدة طويلة ومنطقة الباتونق على ما سمعت عنها انها مليانه سياح وصجه ولجه شوي فقلت اخلي يومين للاسترخاء والباقي اروح للباتونق ..

توجهنا لشاطئ الكارون وبالتحديد الى منتجع موفنبيك (Movenpick ) ذو 5 نجوم

والمسافة من المطار الى الكارون تقريباً 45 إلى 50 دقيقة .. وهو عبارة عن منتجع ضخم فيه فندق على نظام الغرف وفلل واكواخ معها مسابح خاصة .. والمنتجع يحتوي على مسابح وصالة لممارسة الرياضة من اجهزة حديد ولياقة وغيرها وصالة للبلياردو وتنس الطاولة وقسم خاص بالمساج بجميع أنواعه ومطاعم وكوفي شوب يقدم جميع أنواع القهوة وموفرين فيه أجهزة كمبيوتر وانترنت بالمجان ومن الخلف تطلع من المنتجع تدخل على طول لشاطئ الكارون ..

يعني ما يحتاج تطلع منه ابد .. لذلك خليته للاسترخاء والهدوء

المنتجع له مدخل خاص وحرس .. والأمن في كل مكان من المنتجع لكبر مساحته ..

طبعاً سعرة غالي لكن قلت خلنا نطنخ ونوسع صدورنا ما دامها ليلتين ... وسعر الليلة فيه بـ 480 ريال شاملة الافطار .. طبعاً انا ماخذ اقل مواصفات يعني غرفة عادية لا اطلاله ولا غيره .. بس معها بلكونه .. وراح افصل فيه شوي بحكم اني جلست فيه يومين
الفندق بشكل عام جميل ومريح والغرفة متوفر فيها كل شي وهذي بعض الصور للفندق والمنتجع بشكل عام ..



























وهذي البلكونة















وهذي ممرات الغرف والاماكن المطله عليها
















وهذا اللوبي







وهذي جلسات على شكل اقفاص







وهذا واحد من المسابح وفيه ملعب كرة مائية صغير






وهذي صور للمنتجع وبعض مرافقه


مسطحات خضراء واشجار











وهذي لوحات ارشادية في المنتجع







وهذي الاكواخ اللي فيها مسابح خاصة بس احجامها صغيرة









اذا حبيت تروح للبحر فأول ما تطلع من المنتجع من البوابة الخلفية تقطع الشارع وتحصل شاطئ الكارون يعني على بعد خطوات من المنتجع ...



صراحة شاطى نطيف وحلو وهادي جداً ومناسب للاسترخاء يعني مافيه العاب مائيه من دبابات بحرية وبرشوت وغيرها وممتاز للراحة والتمتع بالطبيعة والاسترخاء ..

وهذي بعض الصور له






















وهذي لحظة غروب على الشاطئ







وهذا واحد من المطاعم في المنتجع .. وحياكم الله على بيتزا سي فود








الحمد لله على النعمة ولكن مشكلة شرق آسيا الاكل .. بجد ملينا من السي فود والخضار .. حتى الدجاج واللحم ما نقدر ناكله لان ذبحه ماهو على الطريقة الاسلامية ماعدا المطاعم العربية والاسلامية واشتقنا لكبسات الرز والطبخات الحلوة في بلدنا لكن الحمد لله على كل حال ..





نرجع للمنتجع وكيفية قضاء الوقت فيه ..


... عندك صالة الحديد واللياقة وعندك صالة البلياردو وتنس الطاولة












وممكن قضاء الوقت بالسباحة او الانترنت المجاني الموجود في الكوفي شوب ..




وفي آخر يوم من تواجدي في هالمكان الجميل رحت اودع شاطئ الكارون واخذت منه آخر لقطات الوداع على أمل العودة في يوم ما





وبكذا راح يومين اخذنا فيها قسط من الراحة والاسترخاء وجهزنا الشنط للتوجه للشاطئ الجار (شاطئ الباتونق) الشهير جداً وبالتحديد الى فندق الهولدي إن


 
تقرير رحلتي إلى تايلند صيف 2008
توقفنا عند اليوم الثالث في فوكيت بعد ما قضينا ليلتين في منتجع موفنبيك قضيناها في الراحة والاستجمام والتمتع بشاطئ الكارون الجميل ..


في اليوم الثالث من ايام جزيرة فوكيت توجهنا بالتاكسي لفندق الهولدي إن مقر اقامتنا ... وصلنا في وقت قصير لانه قريب من شاطئ الكارون .. واعجبني مدخله وشكل اللوبي ... بس مشكلة اللوبي حر شوي لانه مفتوح ..









استقبلونا الجماعة استقبال جميل كعادتهم وعطيناهم فوشرات الحجز وقالوا حظكم زين .. قلنا الحمد لله بس وش السالفه ؟؟ قالوا غرفتكم ماهيب جاهزة الحين لذلك راح نعطيكم غرفة افضل من حجزكم واكبر ..


وسألونا (هني مون) يعني شهل عسل قلنا لا .. قالوا الشركة اللي حاجزه لكم ذاكرين انه شهر عسل ..

هع هع قلنا آهاااااا وحنا نقول ليش كل ما جينا فندق نلقاهم حاطين ورود على السرير على شكل قلب وورود حمرا في كل مكان وترته وفواكه هع هع هااااااااع واثاري خويي راعي المكتب كاتب شهل عسل عشان يعطونا خدمات وشغلات حلوه هع هع الله يقطع بليسه .. المهم قالوا انتظروا شوي الين تجهز الغرفه وودونا للكوفي وقالوا اطلبوا على حسابنا واخذنا قهوه وانتظرنا الى ان جهزت الغرفة ...

طبعاً حجزي كان بسعر 410 ريال لليلة مع افطار والله غالي شوي بس موقعه ممتاز يعني تطلع من الفندق تلقى البحر قدامك ومن الجهة الثانيه تلقى الشارع الموازي للشاطى كله محلات ومطاعم عربية ومكاتب سياحية وكل شي ..

لما دخلنا الغرفة صراحة ما توقعناها بالفخامة والجمال .. وحمامها تكرمون غرفة لحاله ومعها بلكونه كبيرة مطلة على المسبح .. وهذي صور الغرفة








وهذا الحمام (تكرمون)






وهذي البلكونه مع اطلالتها على المسبح










ارتحنا شوي ورتبنا اغراضنا وقلنا نطلع شوي نستكشف المكان ومنها نحجز برنامج مسائي عشان نستغل باقي اليوم ونحجز حق الايام الجايه رحلات ..

البرنامج المسائي بكل تأكيد بيكون الذهاب لعرض الفنتازيا (FantaSea) الغني عن التعريف واللي راح اتكلم عنه ان شاء الله ..

رحت اللوبي ابشوف سعر الفنتازيا واقارنها بالسعر خارج الفندق واللي دايم ما يكون ارخص .. وطلع سعرها موحد من الشركة نفسها واخذتها بدون عشاء عروض فقط مع التوصيل ذهاب وعودة ومقاعد ذهبية بـ 2050 بات للشخص تقريباً 230 ريال وبصراحه اشوف ان سعرها غالي .. صحيح انها حلوة وتستاهل بس السعر مبالغ فيه ..

بالنسبة للمقاعد الذهبية هذي يكون موقعها ممتاز وفي وسط مسرح العرض .. وراح اتكلم عنها بتفصيل اذا جاء وقتها ..

طلعنا نستكشف المكان ومرينا الشاطئ ( الباتونق) وطلع نظامه يختلف عن الكارون وفيه عالم اللي يلعب واللي جالس يتفرج واللي يركب دباب بحري واللي برشوت يعني المكان بالبلدي (خرشه) لكنه فيه وناسه للي يحب مثل هالاجواء .. وبصراحه اسعارهم شوي غاليه يعني الدباب البحري لمدة نصف ساعه بـ 1500 بات ما يعادل 170 ريال لا ومتفقين كلهم على سعر واحد يعني ما ينفع المكاسر


هذي صورة للشاطئ




بعهدها رحت للشارع اللي موازي للشاطئ عشان احجز الرحلات واشوف المكان والمحلات والمطاعم ..

واخذت لفة في الشارع الخلفي للفندق وماشاء الله كل شي تبيه موجود ومتوفر واخذت فكره عن بعض المطاعم العربية الموجودة وعن المحلات بشكل عام .. المهم فيه مكتب سياحة وسفر في نفس هالشارع اسمه (سارة) سمعت عنه من واحد من الشباب وقالي ان صاحبه شخص اماراتي فقلت نروح نحجز منه بحكم انه عربي ومنا وفينا وناخذ راحتنا في الكلام ..
لقيت المكتب ودخلت عنده وما قصر الرجال قعد يشرح لي عن الرحلات ودردشت معه شوي وحجزت من عنده على ثلاث رحلات اللي هي :


- رحلة الى جزيرة جيمس بوند
- رحلة الى الرافتينق
- رحلة الى جزيرة بي بي ايلاند


شاملة السيارة من والى الفندق مع وجبة غداء وعصيرات وفواكه وماء وشاي وقهوة
وعطيته الفلوس واخذت فوشرات الحجز واتفقنا على اوقات الرحلات ومتى تجي السيارة وغيرها .. وراح اتكلم عن كل رحلة بالتفصيل ان شاء الله ..


وبالنسبة للمكتب زيه زي غيره يعني ماشفت فيه فرق الا انه اخ عربي بس .. وهذي صورة للمكتب







طلعت بعدها من عنده ورحت اشتري بعض الاغراض واللي انصح الجميع بها في رحلات فوكيت ... وهي:

• كريم واقي من الشمس للوجه وللجسم لانه في يوم واحد بيقلب جسمك اسمر وممكن تحس بحرق وحرارة في جلدك
• كاب او أي شي تغطي به رأسك من حرارة الشمس لانك بتتعرض للشمس وقت طويل في القوارب
• ملابس بحر من شورتات سباحة وبنطلونات برمودا وفوطة وشبشب
• نظارة شمسية
• كاميرا تصور تحت الماء (اذا امكن) لان فيه غوص وممكن تفيدك في الامكان اللي تتعرض فيه للماء غصب عنك .. ومثل هالنوع من الكميرات يصلح تحت الماء وللتصوير العادي بعد ..


بعد ما رتبت نفسي للرحلات رجعت للفندق ... ورحنا نكمل باقي النهار على الشاطئ

وهذي بعض الصور للغروب على شاطئ الباتونق























وهذي بعد ما اظلمت العين






رجعنا للفندق للاستعداد لزيارة عروض الفنتازيا اللي راح تبدأ الساعة 9 مساءً



عروض الفنتازيا (FantaSea Show)


هي عبارة عن مدينة ترفيهية فيها مسرح للعروض ومحلات لبيع الاشياء التذكارية ومطعم كبير .. واللي يهمنا هي العروض ..

هي عبارة عن عروض في مسرح مغلق وكبير .. وتحكي قصة التراث التايلندي على مر العصور وتعتمد العروض على الليزر والاصوات واستخدام الحيوانات في التمثيل مثل الفيلة والنمر والماعز والدجاج وغيرها .. وبصراحة عروض ممتعة جداً يعني فيها اتقان عجيب من قبل الانسان والحيوان والاخراج عالمي .. استمتعنا فيها وراح الوقت في غمضة عين ..

تبدأ الساعة 9 مساءً ومدة العرض تقريباً ساعة وربع وسعرها غالي شوي .. انا اخذتها مثل ما ذكرت قبل بدون عشاء عروض فقط مع التوصيل ذهاب وعودة ومقاعد ذهبية بـ 2050 بات للشخص تقريباً 230 ريال يقل السعر اذا ما اخترت مقاعد ذهبية واللي هي عبارة عن مقاعد تكون في وسط المسرح بحيث تشوف افضل من المقاعد اللي فوق مره او على الجنب وانصح بها ..

هذي بعض الصور لمكان قص التذاكر وللمكان قبل الدخول للعروض ..












للاسف ان الكاميرا بجميع اشكالها ممنوع دخلوها للعرض
ويستلمون منك أي كميرا سواء فيديو او ثابت ويعطونك رقم واذا طلعت من العرض تستلم كميرتك .. حتى الاكل والشرب ممنوع تدخل به .. وتنظيمهم مميز في الدخول والخروج واستلام الكميرات ..

بعد ما انتهى العرض طلعنا نتمشى شوي في المكان وشرينا بعض الاشياء التذكارية ولقينا الباصات تنتظرنا برا وكل شي منظم وكل شخص يتجه للباص اللي جاء معه ويشيكون على الاسماء والفنادق قبل لا تركب يعني شغل نظيف ..

وللمزيد من المعلومات عن الفنتازيا هذا موقعهم الرسمي
Phuket FantaSea - The Ultimate Nighttime Cultural Theme Park


ورجعنا للفندق بعد قضاء ليلة ممتعة مع عروض الفنتازيا اللي انصح بزيارتها لاي شخص يجي جزيرة فوكيت ..

من بكره راح تبدأ اولى الرحلات البحرية وهي رحله الى جزيرة جيمس بوند



--------------------------------------------



جزيرة جيمس بوند James Bond Island

اسمها المحلي (Koh Tapu) وسميت بجزيرة جيمس بوند لان الممثل البريطاني ( Roger Moore ) صور فيها فيلم "The Man with the Golden Gun" عام 1974م فاشتهرت بهالاسم ..

سعر الرحلة للشخص : 1700 بات (189ريال)

انطلقنا صباحاً لرحلة جيمس بوند .. اخذنا الميني باص مع بعض السياح لموقع التجمع في الميناء ومنه تنطلق السفن للرحلات السياحية ..






وصلنا واستقبلونا ووجهونا للمركب اللي بتكون عليه الرحلة وجلسنا ننتظر الين اكتمل العدد وفي هالفترة متاح لك الشاي والقهوة والماء والعصيرات .. بعدها بدا يتكلم المسؤول عن الرحلة ويشرح لنا خطة السير ويورينا على الخريطة وين بنروح وعطانا كل التعليمات عن الرحلة






وانطلقنا على بركة الله والاجواء مشمسه شوي مع بعض الغيم






وهذي صورة للسفينة من الداخل




طبعاً ما يعيب الرحلات البحرية من وجهة نظري هي طول المسافة يعني لو تحسب الرحلة كاملة يمكن اكثر من نصفها في الطريق للجزر روحه ورجعه ... صحيح المناظر حلوة لكن يحس الواحد بالملل شوي .. خاصة ان الجو في فوكيت مشمس بشكل عام واوقات الرحلات في عز النهار ..

المهم واحنا في الطريق مرينا ببعض الجزر الصغيرة إلى ان وصلنا للمحطة الأولى






وهي عبارة عن جزيرة فيها كهوف وراح نركب القوارب المطاطية لدخول الكهوف والوصول لمنطقة في وسط الجزيرة

طبعاً كل قارب فيه شخص يقوده ويقدم بعض المعلومات عن الجزيرة وراكبين فقط لانه صغير وطويل عشان يساعده في دخول الكهوف ..


توقفت السفينة وبدوا العمال ينزلون القوارب المطاطية وركبنا باتجاه الكهوف








وهذا تبع الشركة قاعد يصور الناس عشان اذا رجعنا من الرحلة يعرضون علينا الصور مطبوعه وبالبرواز للبيع ولك الخيار في الشراء ..






قعدنا نتجول في المكان صراحة طبيعة رائعة يعني جبال صخريه اشكالها غريبة وكلها اشجار






وبعدها توجهنا للكهوف .. وبلغونا ننزل باجسامنا لتحت لان الالمكان ضيق وفيه ممرات السقف قريب جداً








بعهدها طلع المكان ظلااام واعطونا تريك مع كل قارب عشان نشوف الطريق ونشوف التكوينات الصخرية العجيبة .. ومرينا بأحجار كرستاليه تطلع انعكاسات حلوة مع الاضاءة ... بعدها طلعنا لمكان بين الجبال وتوجهنا لمكان ثاني






والمكان مليان سياح من رحلات ثانية وصاير المكان كلها زحمه بالقوارب المطاطية بس كان الجو حلو بين الجميع والكل مبتسم






بعدها رجعنا للسفينة وتوجهنا لجزيرة جيمس بوند






وصلنا لجزيرة جيمس بوند وصراحه المكان زحمة زحمة بالسياح يعني الواحد ما ياخذ راحته في التصوير او التمشي ..

اول ما وصلنا للمكان لقينا هالسوق الصغير يبيعون فيه اشياء يدويه وشغلات كثيرة






وفيه حجر كبير منقص من الجبل شكله غريب بس ما قدرت اصوره زين من زحمة السياح






وهذي عاد صورة الجبل الصغير اللي صور فيه جيمس بوند ..










جلسنا في المكان يمكن 30 – 40 دقيقة وبعدها مشينا من المكان

توجهنا لجزيرة ثانية وراح يكون فيها دخول في الكهوف بالقوارب المطاطية ..

هذي صورة العمال نزلوا القوارب من السفينة







مشينا لاول كهف وطلع ضيق مره وزحمه عنده













والحمد لله عدينا هالمنطقة الضيقة بس فيها متعه ومغامره ووصلنا لمنطقة وسيعه بين الجبال






رفعت راسي فوق واعجبني منظر الشجر في السماء فأخذت لها هاللقطة






بعهدها طلعنا من المكان وشوفوا الزحمه في المكان ههههه






وهذي صورة السواق حقنا الله يذكره بالخير .. من مواليد هالجزر اللي سكانها مسلمين يعيشون على الصيد والسياحة






بعدها قدموا لنا الغداء في السفينه عباره عن بوفيه بسيط فيه رز ودجاج وسمك وفاكهة ومشروبات وبعد الغداء شربنا الشاي والقهوة الى ان وصلنا للمحطة الاخيرة وهي جزيرة راح نتوقف فيها للسباحة والاسترخاء










تمشينا شوي في الجزيرة .. فيها كشك صغير ودورات مياه (تكرمون) تدخلها بفلوس يعني تدفع 20 بات ويعطونك مناديل وتدخل .. لكن من جوا رايحه وطي يعني تتحسف انك دخلتها لكن ربك يعين ههههه


لقيت الشباب التايلنديين اللي معنا في القوارب يلعبون لعبة تايلنديه عباره عن كوره من الخشب يتناقلونها بينهم بالرجل بدون ما تطيح على الارض ودخلت معهم اطقطق شوي وضحكنا ضحك وفي النهاية صارت رجلي حمراء هع هع ما ادري كيف يلعبون بها !!

بعدها انتهى الوقت المحدد وركبنا السفينة ورجعنا بعد رحلة ممتعة ومنوعة ومرهقه في نفس الوقت لانها من الصبح إلى المغرب

 
تقرير رحلتي إلى تايلند صيف 2008
الرافتنق (Whitewater Rafting)




صورة توضيحية للرافتنق وللامانه الصورة ليست من تصويري ولكن وضعتها لايصال الفكرة ..



الرافتنق عبارة عن ركوب الزوارق المطاطية داخل النهر وبصراحة مغامرة ممتعة جداً وراح اتكلم عنها ان شاء الله بتفصيل اكبر في هذه الرحلة


سعر الرحلة للشخص : 1900 بات = 211 ريال تقريباً شاملة ركوب الفيلة والجواميس والدراجات النارية وركوب الرافتنق (5كيلو) مع المواصلات من والى الفندق


انطلقنا في الصباح الباكر وبالتحديد عند الساعة 8 صباحاً .. اخذنا الميني باص الى مكان التجمع وطلعنا في باص كبير مع مجموعة من السياح الى الرافتنق وبصراحه موقعه بعيد جداً لانه يقع في شمال جزيرة فوكيت وبالتحديد في منطقة الجبال ..


توكلنا على الله وقطعنا الطريق في اكثر من ساعة وفي هالوقت المرشدة السياحية تعطينا معلومات عن الرحلة والاماكن اللي راح نجيها ,,

وصلنا لاول محطة وهي عبارة عن منتجع فيه بعض الفعاليات البسيطة .. بدينا بركوب الفيلة .. تاخذك في جولة بين الاشجار








بعد جولة الفيلة رحنا لمضمار الدبابات .. تاخذ لفتين بالدباب






بعدها ركوب عربة خشبية تجرها الجواميس












بعدها رحنا لمكان عروض الفيلة .. يعني تسوي حركات استعراضية ومساج لبعض الجمهور










وبعد عروض الفيلة طلعنا من المكان ورجعنا للباص عشان ياخذنا للمحطة التالية .. لكن قبل الانتقال حبيت اوضع ان الفقرة الاولى من الرحلة عادية جداً ووقتها قصير فاذا بالامكان الغاءها من البرنامج والابقاء على الرافتنق فقط يكون افضل واوفر من وجهة نظري ..



انتقلنا للمحطة الثانية وهي الرافتنق ..

توقف بنا الباص ووزعونا على سيارات عشان ننتقل لمكان الرافتنق لانه في مكان مرتفع وصعب الباص يوصل له ..

وركبنا في صندوق السيارة والسواق حاط رجله ويمشي بسرعة بس الطريق حلو وبين الغابات










وصلنا لمكان الرافتنق وهو عبارة عن نهر مليان احجار كبيرة مسوين فيه سد يحبسون المويه ويجهزون الزوارق المطاطية وكل زورق يركب فيه 4 اشخاص بالاضافه لشخصين يقودونه ويوجهون الركاب للتجديف بعد ما تجهز الزوارق يفتحون السد وتدفعك المويه في النهر وتواجه احجار تسوي لك مطبات وطوله 5 كيلو صراحة تروح في غمضة عين من متعة التجربة





طبعاً يعطونك وسائل سلامه مثل الخوذة وسترة النجاة ويوفرون لك صناديق تحط فيها اغراضك وتاخذ المفتاح معك


اول ما وصلنا للمكان شربنا بعض الشاي والقهوة والمرطبات في الاستراحة وعطونا بعض التعليمات عن الركوب وطريقة التجديف وشرحوا لنا الوضع بشكل عام ..






بدوا العمال ينزلون الزوارق على جال النهر ويتأكدون من سلامتها بعدين وزعونا كل 4 في زورق وركبنا وعطونا مجاديف وتجلس على طرف الزورق وتدخل رجلك في الحبال الموجودة اسفل الزورق عشان تثبت ..

ويفتحون السد وتنطلق الزوارق .. يمكن في حدود الثلاثين زورق او اكثر وهذا اللي عطى التجربة متعة وحماس ونمشي بسرعة وكل حجر يصادفنا او نزله يكون فيها اهتزاز وقفز للزورق لكن الحمد لله بدون ما نطيح لان الوضع جيد والمكان ماهو بذيك الوعوره والطريق كله متعه وضحك وصراخ .... وفي نص النهر فيه استراحه مائية وسيعه ننتظر في القوارب لمدة 5 دقايق وبعدها نكمل الانطلاق وكل ناس يرشون المويه على الزورق اللي جنبهم بالمجاديف ههههه والكل يضحك ويمزح مع الثاني والطريق كله مطبات ومطافش الى ان وصلنا للنهاية وهذااجمل مافي الرحلة لان فيه متعة وتجربة جديدة ... ومن الاستحاله التصوير في هالمكان لانك تنزل رابص مويه وكل اهتزازات فما قدرت اصور التجربة في وقتها ..


بعد ما انتهينا من الرافتنق اخذونا بالسيارات لنفس المحطة اللي حطينا فيها اغراضنا ولما وصلنا لقينا وجبة الغداء مجهزه عباره عن بوفيه مفتوح


تغدينا وشربنا الشاي وريحنا وبعدها خذونا لشلال داخل الغابة للسباحة







وبعد السباحه رجعونا بالسيارات للمحطة اللي فيها الباص وبكذا انتهت رحلة الرافتنق الممتعة ورجعنا للفندق قبل المغرب بقليل منهكين من الرحلة ..


لذلك انصح اللي يروح فوكيت ومعه عدد ايام كثيرة يخلي يوم رحلة ويوم راحة لان الرحلات فيها ارهاق ..

حتى اذا رجعت اخر النهار تصير تعبان ولا تقدر تلف بالليل وتتمشى من التعب ..



 
تقرير رحلتي إلى تايلند صيف 2008
في اليوم التالي كان حجزنا للرحلة البحرية الاخيرة في فوكيت وهي جزيرة بي بي ايلاند



جزيرة بي بي ايلاند Phi Phi Island


رحلة البي بي ايلاند ممكن تختار احد نوعين عند الحجز.. اما بالبوت السريع او بالسفينة الكبيرة

البوت السريع ميزته سرعة الوصول للجزر وبامكان البوت الاقتراب من المناطق الجبلية في الجزر بعكس السفينة الكبيرة اللي توقف بعيد شوي


السفينة ميزتها مافيه ااهتزازات ومريحه بعكس البوت اللي يهتز مع الامواج .. وبعد وسع السفينة وراحتها تعطيها ميزة


انا طبعاً اخذت البوت السريع لان بطء السفن يجيب الملل في الرحلات واخذت من ضمن الحجز عدة السنوركل للغطس (سنوركل زعانف وقصبة ونظارة) والتذكرة شاملة وجبة غداء مع الماء والمرطبات والفواكه والمواصلات من والى الفندق من 8 صباحاً الى 5 مساءً وقيمة التذكرة : 1900 بات = 211 ريال تقريباً


في الساعة الثامنة صباحاً مرنا الميني باص واخذنا من الفندق لمكان التجمع عند احد الشواطئ




اجتمعنا في كوفي وبدت تعطينا المسئولة عن الرحلة التعليمات والأماكن اللي راح نزورها وبعدها عرضوا عدة الغطس للي يبي يستاجر منهم وقيمتها 200 بات .. طبعاً انا دافعها من ضمن التذكرة لذلك اخذتها بدون دفع أي مبلغ


وركبنا البوت ورتبونا بحيث يكون البوت متوازن من ناحية الوزن في كل جهة وانطلقنا على بركة الله ..

الرحلة غالبيتها خليجيين يعني اللغة العربية هي اللي سادت الرحلة







وبعد تقريباً 30 دقيقة وصلنا للمحطة الأولى وهي عبارة عن منطقة بين الجزر مياهها صافيه وبامكانك تشوف السمك وكل شي داخل الماء






وفي المكان كهف كان مسكون من قبل الصيادين وفيه بقايا آثار السكان





تجولنا في المكان وكان رائع واكثر شي شدنا هي صفاء مياة البحر في هالمنطقة











بعدها انتقلنا لجزيرة ثانية فيها شواطى رائعة ومناسبة للسباحة ... وصلنا للشاطئ ولقيناه مليان سياح ....

وهو نفس الشاطئ اللي صور فيه الممثل الامريكي ليوناردو دي كابريو فيلمه الشهير (The Beach)

يتميز الشاطئ بصفاء مياهه ومناسب للسباحة














سبحنا في الشاطئ واستمتعنا بالمكان لولا حرارة الشمس ..



بعدها انتقلنا للمحطة الثالثة وهي للغطس ووصلنا للمكان .. مياه صافية ويتميز بوجود الحياة البحرية في الاسفل من نباتات واسماك واشكال غريبة ما تمنيت الا ان معي كميرا تصور تحت الماء عشان انقل لكم المناظر ..


وصلنا المكان واعطونا عدة الغطس وبدينا نجهز انفسنا ونلبس واعطونا تنبيهات وتوجيهات للمكان ... والوقت راح يكون نصف ساعة او اكثر شوي


العدة هي (سنوركل زعانف وقصبة ونظارة وسترة نجاه *حسب الرغبه)

طبعاً اللي ما يبي يغطس يجلس في البوت يتفرج








تقريبا عمق الماء حوالي 4 او 5 امتار تقريباً لكن من صفاء الماء تشوف كل شي تحت من مخلوقات بحرية غريبة والاسماك تلعب قدامك وحواليك ..









بعدها انتقلنا لآخر محطة وهي عبارة عن جزيرة شواطئها نظيفة ومناسبة للسباحة وفيها فنادق ومحلات
ومطاعم ..














طبعاً مقرر اننا نتناول فيها الغداء ونجلس فيها لاكثر من ساعة ..

صراحه لقينا زحمة سياح من كل شكل ولون ..

اول ما وصلنا وجهنا لمطعم ووزعونا على الطاولات وقدموا لنا الغداء عبارة عن رز وسمك وبعض المأكولات المنوعه



تغدينا وشربنا الشاي وبعدها اخذنا جوله في المكان









وفيها كراسي مضللة تستخدمها بالايجار الكرسي بـ 100 بات

جلسنا نسترخي ونستمتع المكان












وبعدها انتهى الوقت المحدد وتجمعنا وركبنا البوت ورجعنا للفندق بعد رحلة ممتعة وفيها كثير من التجارب الحلوة مثل الغطس والتمتع بالسواحل والشواطئ اللي قليل نشوف مثلها من ناحية النظافة والصفاء ..


وبعد ما رجعنا رتبنا انفسنا للسفر بكرة لبانكوك



 
تقرير رحلتي إلى تايلند صيف 2008
بانكوك



تم الاستعداد للسفر الى بانكوك لقضاء آخر 3 ايام من الرحلة واللي اتفقنا على انها بتكون للتسوق فقط لعدة اسباب ...

اول شي الوقت قليل ولا يكفي للتمشي والتسوق وثاني شي احنا متشبعين من الرحلات السياحية وآخر شي رخص اسعار الملابس في بانكوك يعني لازم نستغل اسواق بانكوك للتسوق منها قدر المستطاع

اقلعنا من فوكيت الظهر متوجهين الى بانكوك ووصلنا ولله الحمد واخذنا تاكسي من المكتب خارج المطار وكانت وجهتنا الى فندق بايوك سكاي

والطريق زحمة وشوارع بانكوك بشكل عام فيها زحمة سير بعكس المدن الثانية











فندق بايوك سكاي (Baiyoke Sky ) فئة 4 نجوم

الفندق يقع في برج عالي ( THAILAND'S TALLEST TOWER ) يوجد فيه محلات تجارية وفندق ومطاعم من ضمنها مطعم يعتبر الاعلى في تايلند ويقع في الدور 78 واللي راح يكون فيه الافطار اللي من ضمن حجزنا

بالنسبة للفندق اعتبره عادي جداً من ناحية الاثاث والخدمة وموقع الرسبشن يختلف عن باقي الفنادق اللي تكون في المدخل الارضي .. هذا لازم تطلع له بالمصعد واذا جيت تطلع للغرفة تروح لمصعد ثاني .. وصايره المصاعد زحمة اللي طالع واللي نازل يعني الموضوع مزعج في الدخول والخروج .. لكن مايميز الفندق من وجهة نظري هو موقعه المييز لانه في وسط بانكوك وكل المشاوير اللي نروحها بالتاكسي تكون قريبة ولا تكلفنا شي يعني اغلب مشوايرنا اقل من 10 ريال سعودي

سعر الليلة 350 ريال شاملة الإفطار

وهذي بعض صور الفندق


























وهذي اطلالة نهارية وليلية من نافذة الغرفة


















طبعاً الهدف من جلوسنا في بانكوك هو التسوق فقط لضيق الوقت ولرخص الأسعار في بانكوك وخاصة الملابس ..


بعد ما ارتحنا شوي نزلنا نستكشف المكان بجانب الفندق .. ولقينا أسواق صغيرة للملابس أخذنا فيها جولة تسوق إلى المغرب وبعدها تمشينا في الشوارع المحيطة للفندق والمنطقة حيوية فيها كل اللي يحتاجة السائح من اسواق ومطاعم ومحلات تدليك بالاضافة لسوق ليلي صغير بجانب الفندق على شكل كوشكات يباع فيها الاشياء المقلدة من ملابس وشنط وساعات وغيرها .. وفيه كذلك المشغولات اليدوية والتحف واشياء كثيرة لكن زحمة وازعاج ولا تاخذ راحتك في التسوق ..

بعدها رجعنا للفندق ورتبنا امورنا للتسوق في اليوم التالي

في اليوم التالي من الصبح توجهنا لطوكيو سنتر والحقيقة توقعت انه مركز تجاري ضخم ولكن طلع متجر كبير للملابس ولكنه مميز ومنوع واسعارهم جيده الى متوسطه واخذنا فيه جولة تسوق واشترينا بعض الملابس ..

بجانب طوكيو سنتر سوق آخر اسمه MBK وهو عبارة عن سوق من عدة ادوار وكل دور يختص بنوع معين من البضائع ... مثلاً دور للملابس ودور للشنط والاحذية ودور للالكترونيات ودور للتحف ودور للاجهزة الكهربائية ..... الخ

صراحه من اجمل الاسواق في بانكوك يعني ميزته انه منوع واسعارهم رخيصة الى متوسطه وخاصة في الملابس ويحتاج وقت طويل عشان تلفه وتشوف كل الادوار

احنا لفيناه الين تعبنا وكملنا من بكره ... وانصح أي شخص يزور بانكوك لغرض التسوق زيارة الـ MBK ..

راح انزل لكم كم صورة اخذتها بجوال N95 لاني واجهت مشكلة في الاسواق وهي منع دخول الكميرا للسوق لذلك اعتذر منكم لقلة الصور في هذا الجزء ولضعف دقتها














وعلى فكرة لازم تكاسر وتفاصل في السعر اذا جيت تشتري ... وبالنسبة للملابس غالبيتها تايلندية الصنع يعني ما تقارن ببعض الماركات العالمية لكن الخامات جيدة وخاصة للطلعات العادية او ملابس البيت او حتى المناسبات .. وفيه اشياء بعد جودتها عالية


بعد ما اخذنا عدة ساعات في هالسوق المميز واشترينا اغراض وملابس طلعنا لسوق ثاني اسمه بوبي او بوبوي وطلع سوق يبيع بالجملة ومناسب للتجار واصحاب المحلات وطلعنا منه لانه ما يناسبنا ..


وبعدها رحنا على مجمع سيام وهو قريب من الـ MBK وتصميمه مميز وكله ماركات عالمية غالية السعر زي اللي عندنا في الخليج .. ولاحظنا عدد المتسوقين فيه قليل مقارنه بطوكيو سنتر والـ MBK يمكن عشان الأسعار غالية أو ان السياح يلقون نفس هالماركات في بلادهم ونفس البضائع ويمكن عشان استغلال السلع التايلندية الجيدة والرخيصة في الاسواق الثانية..
هذي صور للسوق من الداخل وطبعاً بالجوال لان الكميرا ممنوعه












اخذنا فيه جولة تسوق وتغدينا في مجمع المطاعم داخل السوق .. وطلعنا من المكان ورجعنا للـ MBK مرة ثانية لانه كبير وفيه ادوار كثيرة وفيه سينما ويحتاج وقت طويل ..

بعدها رجعنا للفندق وريحنا بعد التسوق فترة المغرب وفي الليل رحنا للحي العربي وموقعه في شارع سوكو مفيت ورقم الشارع 3 وكان التخطيط نتمشى ونتعشى هناك ونشوف هالشارع اللي كثير ما نسمع عنه ..
وصلنا المكان وماشاء الله الخليج العربي كله هناك
والكل كاشخ بزي بلده يعني تشوف الثوب والشماغ والغترة ...

حصلنا في المكان كل شي متوفر من محلات وسوق ليلي وحلاقين ومطاعم عربية وهنديه ومكاتب سياحية وغيرها ..

لكن حمدت ربي اني ما سكنت في هالمنطقة لانها زحمة وازعاج وفيها مناظر غيره جيده وبخاصة للعوائل والاطفال (بنات الليل في الشوارع) ..

تمشينا في المكان واستغليتها فرصة وحلقت رغم اني بالعادة في السفر اخذ معي عدة الحلاقة واحلق بنفسي لكن ماكينة الحلاقة انتهى عمرها الافتراضي هنا في تايلند فقلت خلنا نجرب الحلاقة التايلندية .. ولقيتهم مكتسبين خبره في حلاقة السكسوكة وتضبيط الشنب هع هع من كثر الخليجين في الحي ..

بعدها طلعنا نتسوق في المحلات والسوق الليلي وصارت لنا حادثة بسيطة في المكان ..

وانا امشي ومعي المدام في السوق الليلي لاحظت شخص شكله غريب وتصرفاته اغرب وكان يمشي وراي بالضبط وانا عاد متنبه في هالامور وخاصة في الاسواق الليلية .. المهم اذا ناظرت ورا اشوفه قاعد يحوس ويدوس وشكله ما اعجبني .. قلت للمدام شوفي هالشخص ما ارتحت له تصرفاته غريبه .. بعدها طلعنا من السوق الليلي ورحنا لمطعم هندي وتعشينا وبعد العشاء رجعنا للمحلات وشفت نفس الشخص قاعد يمشي ورا أخ بحريني ويحاول يسحب شي من مخباته الخلفية وانا في هاللحظة ارتفع ضغطي وضرب عندي اعلى معدلاته وبسرعة رحت لمه وصوت للشخص وهذا سمع صوتي وحط رجله وطلع معه واحد ثاني لما انتبه لحق خويه وانحاشوا وكلمت الاخ البحريني واشوى طلع مافي جيبه شي ولكنه عصب وراح يدور اللي حاول يسرقه .. انا بعدها قلت ما لنا جلسه في هالمكان واخذت تاكسي وعلى الفندق

واحذر الاخوان والاخوات من النشالين في شارع العرب او أي مكان فيه سوق ليلي وازدحام وانصحهم ما يحطون محافظهم في الجيب الخلفي او أي مكان سهل السرقة .. والاخوات انصحهم يعلقون شنطهم الخاصه على الرقبة بدل من تعليقها على الكتف .. واي شي ضروري ومهم اتركوه في السوفت بوكس في الفندق

في اليوم التالي بعد الافطار الصباحي رحنا مشي لمجمع الباتونام لانه قريب للفندق ولايحتاج تكسي ويشبه لبضائع MBK لكن السوق عادي .. وتسوقنا فيه ورحينا في الدنكن دونات شوي وبعدها طلعنا للام بي كي نرجع بعض الاغراض ونكمل باقي الادوار .. وبعدها رجعنا للفندق وقبل لا ندخل الفندق مرينا محل للمساج واخذنا فوت مساج بـ 250 بات للساعة ورجعنا الفندق

في الليل قررنا زيارة النايت بازار واخذنا تاكسي ورحنا للمكان وهو عبارة عن محلات صغيرة وكوشكات تبيع كل شي والمكان كبير والمحلات كثيرة لكن مكتومه وكلها زحمة والاسعار غالية عشان يحسبون حساب المكاسر في السعر وبصراحه ما احب وجع الراس والمفاصل في السعر ولا طولنا في المكان ورجعنا للفندق وقبل ما ندخل الفندق مرينا مطعم حلال فيه مسلمين واكلهم حلو وفيه رز ومشاوي وكل شي وتعشينا عندهم ورجعنا للفندق عشان نجهز الشنط للسفر الى ارض الوطن ..

بس حبيت اذكر بعض الأمور بخصوص البضائع في بانكوك واسعارها ..

الملابس بشكل عام رخيصة جداً ولكنها مناسبة للبيت اكثر لان الخامات متوسطة ولكنها رخيصة جداً مقارنة بالاسعار الموجوده عندنا مثل التشيرتات بـ 10 ريال بينما في السعودية نفسها بـ 40 و 50 ريال بعد التخفيض .. اما البضائع المميزة عندهم هي الجلديات من شنط وجزم واحزمة خاصة الماركات المقلدة كأنها الاصلية.. ورخيصة جداً مقارنة بالاسعار عندنا

كذلك حبيت اذكر بعض الاماكن السياحية اللي تستحق الزيارة ولكن لضيق الوقت ما زرناها وهي:

- السوق العائم

- دريم وورد

- ساندي ماركت

- سفاري وورلد



ومن بكره صباحاً توجهنا للمطار واقلعت الطائرة في الوقت المحدد لكن كان الطريق معاناة لاني ماقدرت انام وصار الوقت طويل وممل واللي زاد الطين بله واحد الله يهديه كان مزود العيار حبتين وكل الطريق كنت اسمع فتح علب البيرة الى ان استوى الرجال وسبب للركاب ازعاج ومشاكل وللاسف طاقم الطائرة ماسووا أي شي والرجال ماخذ راحة على الآخر بالصراخ والكلام اللي ماله داعي ..
ولما وصلنا للبحرين بعد عناء طويل قالوا لا تنزلون من الطيارة وجلسنا في انتظار الركاب الباقين وبعد ما نظفوا الطيارة ونزلوا الركاب وجاء غيرهم قالوا الطيارة فيها خلل وسيتم اصلاحه .. يا حبيبي كمل الناقص


وجلسوا ساعه يصلحون وقالوا بنتأخر شوي انزلوا من الطيارة وانتظروا .. ونزلنا وصلينا واكلنا وشربنا وانتظرنا الى ان اعلنوا عن الرحلة وركبنا نفس الطيارة بعد تطمينات الطاقم بسلامتها .. وركبنا

وانطلقت الرحلة متوجه للرياض وفي اقل من ساعه وصلنا للرياض بسلام والحمد لله

واختم تقريري هذا ببعض النصائح لمسافرين الى مملكة تايلند




نقاط ونصائح للمسافر الى تايلند:

• لا تنسى اذكار الصباح والمساء وخلي ذكر الله على لسانك في كل مكان .
• البلد ان شاء الله امان لكن الواحد لازم يعرف متى يطلع ووين رايح ومع مين وابتعد عن مواطن الشبهه .. يعني انت بيدك تحفظ نفسك بعد حفظ الله لك .
• خذ علبة ماء صغيرة معك في كل مكان قدر المستطاع لان اغلب حماماتهم (تكرمون) مافيها مويه لذلك ممكن الواحد يصير له مواقف محرجه .
• انت في بلد له انظمته وقوانينه لذلك يجب احترام النظام وعدم الجدال واعكس صوره حسنه عن بلدك ودينك ..
• قبل ركوب الطائرة احرص على عدم حمل أي مادة سائلة (الكريمات ..المعجون .. الخ) في شنطة اليد واللي تتعدى 100m لانها ممنوعه وراح يصادرونها منك فلذلك اشحنها مع العفش ما عدا ما يقل عن هذه الكمية .





وفي نهاية التقرير اتمنى ان اكون وفقت في نقل تجربتي الخاصة عن هذا البلد باسلوب ممتع ومفيد .. وتضل بعض الآراء والنصائح تجارب شخصية تختلف من شخص لآخر .. مع تمنياتي للجميع بالصحة والعافية .. ورحلات سعيدة ان شاء الله

سبحانك اللهم وبحمدك ، اشهد ان لا اله الا انت ، استغفرك واتوب اليك

منقول من الاخ المحترم فهد المنيع

2008 م
 

السيد أبوالعربى

أبومحمد
مسئول بالشركة
مسجل بالموقع
تقرير رحلتي إلى تايلند صيف 2008
السلام عليكم ورحمة الله وبركاته

ماشاء الله تقرير متعوب عليه فعلا

تقرير مفصل بالشرح والصور فى منتهى الروعة

مشكور أخى الكريم أبوعبدالله على النقل الطيب

شـكــ وبارك الله فيك ـــرا لك ... لك مني أجمل تحية .
 
توقيعي
العلاج في تايلند هو الافضل دولياً في عام 2023، للمزيد من التفاصيل عن السياحة العلاجية تواصل على الرقم: 0066864036343 (واتساب، لاين، فايبر، إيمو).

sugar_you

عضو
مسجل بالموقع
تقرير رحلتي إلى تايلند صيف 2008
ddd

السلام عليكم ورحمة الله وبركاته

ما شاء الله تقرير روووعه

الله يعطيك العافيه شغل تمام

انا رحلتي يوم 15/7/2010 واحنا 3 اشخاص ياليت اذا عندك رأي والا نصيحه

مشكوووور اخوي سفاري
 
توقيعي
-
سافر ففي الأسفار خمس فوائد تفريج هم و اكتساب معيشة وعلم وآداب و صحبة ماجد

:52:​

ودمتم بكل الود
-

[align=center][BIMG]http://images.travelpod.com/users/slipperycoconut/worldtour-part2.1167779940.dsc_0006.jpg[/BIMG][/align]

المواضيع المتشابهة

أعلى