سالم بن عبايد الكعبي
عضو نشيط
بـــــرشلــــونـــــة الســــــاحره
بسم الله الرحمن الرحيم
ثاني زيارة لي لمدينه برشلونه الموضوع الاول ماعرفتكم عن برشلونه لان كل شي كان بسرعه ..وهذي زيارتي الثاني لها طبعا الغرض كان الرئيسي مباراه الكلاسيكو اللي فاز فيها برشلونه على ريال مدريد بنتيجه قاسيه 5-0
مدة الرحلة : 25\11\2010 الى 30 \11\2010 ( 5 ايام )
الطيران : AIR FRANCE
طريق الرحله : دبي -باريس-برشلونه ( ترانزيت)
تكلفة تذاكر الطيران للشخص الواحد: 2,265 درهم اماراتي ( ذهاب واياب)
تكلفة الفندق لمدة 5 ايام : 2,387 درهم اماراتي
تذكرة حضور مباراه الكلاسيكو(برشلونه ضد ريال مدريد ) : 1,744 درهم اماراتي ( اشتريتها من عضو من النادي)
المواصلات والاكل والاسواق : 2,500 درهم اماراتي
المجموع الكلي للرحله كاملة : 8,895 درهم اماراتي
نبذه عن مدينة برشلونه :
مدينة برشلونة تقع في الشمال الشرقي من أسبانيا على شاطئ البحر المتوسط بين مصبي نهري لوبريجات وبيزيوس وبها واحد من أجمل المرافئ في العالم،وهي مدينة تشتهر بالصناعة والتجارة. تعتبر برشلونة ثاني أكبر مدينة في أسبانيا بعد العاصمة مدريد حيث يقدر عدد سكانها بـ 1625000 نسمة تقريباً حيث تعتبر برشلونة عاصمة لإقليم كتلونيا.
@@@@@
اول ماوصلنا توجهنا مباشرة الى الفندق للراحه لكن اتفاجأنا ان لازم وقت دخول الغرفه الساعه 12 الظهر واحنا وصلنا الساعه 10 الصبح ..قلت لربيعي خلنا انروح ناكل لان يوعانين ..لكن قالي خلنا نصبر 3 ساعات بنتغدى مره وحده ..ومن كثر ماهو مستعيل على تذاكر المباراه قالي لازم انروح الحين الملعب نشتري التذاكر ..قلت له ياريال خلها باجر احسن خلنا نستريح اول والريال مصر لازم اليوم نشتري التذكر ( مايلام مدريدي)
على العموم رحنا عند الملعب وطبعا وايد اللي يبعيون التذاكر في السوق السوده واربيعي مستعيل واقوله اصبر مب كل التذاكر اصليه خلنا اندور واحد زين لان من اشكالهم جذابين ( محلل نفسي صاير ) طبعا اغلب اللي يبيعون سعر التذكر فوق 500 يورو ..!! طبعا وايد غاليه ..!!
كملنا 45 دقيقه نبحث عن الشخص اللي ارتاح له واربيعي مل واشويه ويضربني ..لين ماحصلنا واحد خاال قلت لربيعي خلنا انسير له قالي هذا من شكله بيضربك وماعنده اصلا تذاكر ..سرت له وقلت له عندك تذاكر قالي ماعندي تذاكر بس عندي عضويه في النادي وكرسي خاص على طول السنه ايلس فيه واذاتباها ب350 يورو ...قلت كيف ادخل المباراه بالبطاقه مالتك وعليها صورتك وقالي عادي تقدر ادش ومايهم صورتي ..
المهم حاولت انزل المبلغ بس ماطاع مصر على المبلغ قلت له خلاص انا بشتري البطاقة قالي عطني نص المبلغ لكن بشرط تعطيني هويتك او بطاقه منك وبعد المباراه اتصل فيني وارجعها لك وتعطيني باقي المبلغ ..المهم اشتريت البطاقه مالته وخلصنا والحبيب اربيعي قاعد على اعصابه ههههههه وقالي وانا مالي تذكره المهم الخال اتصل لواحد نفس الشي وخذينه منه التذكره الثانيه لربيعي واخييرا ارتاح ههههههه . بعدين قام يشكك الحبيب قالي يمكن يقص علينا ومانقدر اندش وانا اطمنه اقوله ماعليك كل شي تمام ومضمون ..!! (وانا اصلا مب ضامن )
هذا كان يومنا الاول..!! ادري طولت عليكم ..!!
بتركم مع الصور المتنوعه :!!
ساحة كتالونيا
كنيسة العائلة المقدّسة::
(Sagrada Familia)
العائلة المقدسة هي أكثر الأماكن مجيئاً من قبل الناس ويقصدها الزوار من شتى أنحاء العالم وذلك لجمال منظرها ولارتفاعها الشاهق وكثرة المجسمات والتماثيل الحجرية حيث أن العائلة المقدسة يعتبر معبد صممه السيد الكتلوني أنطونيو جاودي. لا يزال هذا المعبد الضخم تحت الإنشاء منذ عام 1882 وسوف يستغرق من الوقت 30-80 سنة لكي يكتمل ومع ذلك يعتبر أشهر معلم في برشلونة.
ابصراحه المكان روعه والمنحوتات اللي فيه مصممه بدقه اتركم مع الصور:
التلفريك :
Casa Milà
كازا ميلا، المعروف باسم لوس انجليس لPedrera (الكاتالونية عن 'المحجر')، هو عبارة عن مبنى صممه المهندس المعماري الانطوني Gaudí الكاتالوني والتي بنيت خلال السنوات 1905-1910، افتتح المبنى رسميا عام 1912.
Casa Batlló ( بيت العظام)
نادي برشلونه ( الكامب نو)
متحف نادي برشلونه
متجر النادي
يوم المباراه:
في موقف ماانساه قبل المباراه ...شفنا واحد ياباني زاخينه الشرطه ويطلعونه من الملعب والياباني يقاوم يبغي يدخل الملعب ..احنا قلنا يمكن مسوي شغب او مضارب ..المهم بعد مقاومة الشرطه وطلعوه بدا يصيح بقهر كسر خاطرنا ..وقلنا خلنا نسأله شوفيك ..قال تذكرة المباراه طلعت مزوره قلنا له من وين خذيتها قال من السوق السوده شفنا تذكرته ..مافيها شي يبين ان التذكره مزوره ..بس قال ان في مكتب تشييك التذاكر اكد لي انها مزوره ...ومسكين تم يصيح ..قال لنا انا ياي من اليابان الى هنا عشان احضر المباراه ومجمع فلوس عشان بس احضر وبالاخير ماقدرت ادخل المباراه...موقف محزن ..!!
من هنا وهناك
@@@@
كانت رحله حلوه وسريعه ..!!!
والجو كان بارد وممطر تقريبا على طول سفرتنا ..!!
منقول
ثاني زيارة لي لمدينه برشلونه الموضوع الاول ماعرفتكم عن برشلونه لان كل شي كان بسرعه ..وهذي زيارتي الثاني لها طبعا الغرض كان الرئيسي مباراه الكلاسيكو اللي فاز فيها برشلونه على ريال مدريد بنتيجه قاسيه 5-0
مدة الرحلة : 25\11\2010 الى 30 \11\2010 ( 5 ايام )
الطيران : AIR FRANCE
طريق الرحله : دبي -باريس-برشلونه ( ترانزيت)
تكلفة تذاكر الطيران للشخص الواحد: 2,265 درهم اماراتي ( ذهاب واياب)
تكلفة الفندق لمدة 5 ايام : 2,387 درهم اماراتي
تذكرة حضور مباراه الكلاسيكو(برشلونه ضد ريال مدريد ) : 1,744 درهم اماراتي ( اشتريتها من عضو من النادي)
المواصلات والاكل والاسواق : 2,500 درهم اماراتي
المجموع الكلي للرحله كاملة : 8,895 درهم اماراتي
نبذه عن مدينة برشلونه :
مدينة برشلونة تقع في الشمال الشرقي من أسبانيا على شاطئ البحر المتوسط بين مصبي نهري لوبريجات وبيزيوس وبها واحد من أجمل المرافئ في العالم،وهي مدينة تشتهر بالصناعة والتجارة. تعتبر برشلونة ثاني أكبر مدينة في أسبانيا بعد العاصمة مدريد حيث يقدر عدد سكانها بـ 1625000 نسمة تقريباً حيث تعتبر برشلونة عاصمة لإقليم كتلونيا.
@@@@@
اول ماوصلنا توجهنا مباشرة الى الفندق للراحه لكن اتفاجأنا ان لازم وقت دخول الغرفه الساعه 12 الظهر واحنا وصلنا الساعه 10 الصبح ..قلت لربيعي خلنا انروح ناكل لان يوعانين ..لكن قالي خلنا نصبر 3 ساعات بنتغدى مره وحده ..ومن كثر ماهو مستعيل على تذاكر المباراه قالي لازم انروح الحين الملعب نشتري التذاكر ..قلت له ياريال خلها باجر احسن خلنا نستريح اول والريال مصر لازم اليوم نشتري التذكر ( مايلام مدريدي)
على العموم رحنا عند الملعب وطبعا وايد اللي يبعيون التذاكر في السوق السوده واربيعي مستعيل واقوله اصبر مب كل التذاكر اصليه خلنا اندور واحد زين لان من اشكالهم جذابين ( محلل نفسي صاير ) طبعا اغلب اللي يبيعون سعر التذكر فوق 500 يورو ..!! طبعا وايد غاليه ..!!
كملنا 45 دقيقه نبحث عن الشخص اللي ارتاح له واربيعي مل واشويه ويضربني ..لين ماحصلنا واحد خاال قلت لربيعي خلنا انسير له قالي هذا من شكله بيضربك وماعنده اصلا تذاكر ..سرت له وقلت له عندك تذاكر قالي ماعندي تذاكر بس عندي عضويه في النادي وكرسي خاص على طول السنه ايلس فيه واذاتباها ب350 يورو ...قلت كيف ادخل المباراه بالبطاقه مالتك وعليها صورتك وقالي عادي تقدر ادش ومايهم صورتي ..
المهم حاولت انزل المبلغ بس ماطاع مصر على المبلغ قلت له خلاص انا بشتري البطاقة قالي عطني نص المبلغ لكن بشرط تعطيني هويتك او بطاقه منك وبعد المباراه اتصل فيني وارجعها لك وتعطيني باقي المبلغ ..المهم اشتريت البطاقه مالته وخلصنا والحبيب اربيعي قاعد على اعصابه ههههههه وقالي وانا مالي تذكره المهم الخال اتصل لواحد نفس الشي وخذينه منه التذكره الثانيه لربيعي واخييرا ارتاح ههههههه . بعدين قام يشكك الحبيب قالي يمكن يقص علينا ومانقدر اندش وانا اطمنه اقوله ماعليك كل شي تمام ومضمون ..!! (وانا اصلا مب ضامن )
هذا كان يومنا الاول..!! ادري طولت عليكم ..!!
بتركم مع الصور المتنوعه :!!
ساحة كتالونيا
كنيسة العائلة المقدّسة::
(Sagrada Familia)
العائلة المقدسة هي أكثر الأماكن مجيئاً من قبل الناس ويقصدها الزوار من شتى أنحاء العالم وذلك لجمال منظرها ولارتفاعها الشاهق وكثرة المجسمات والتماثيل الحجرية حيث أن العائلة المقدسة يعتبر معبد صممه السيد الكتلوني أنطونيو جاودي. لا يزال هذا المعبد الضخم تحت الإنشاء منذ عام 1882 وسوف يستغرق من الوقت 30-80 سنة لكي يكتمل ومع ذلك يعتبر أشهر معلم في برشلونة.
ابصراحه المكان روعه والمنحوتات اللي فيه مصممه بدقه اتركم مع الصور:
التلفريك :
Casa Milà
كازا ميلا، المعروف باسم لوس انجليس لPedrera (الكاتالونية عن 'المحجر')، هو عبارة عن مبنى صممه المهندس المعماري الانطوني Gaudí الكاتالوني والتي بنيت خلال السنوات 1905-1910، افتتح المبنى رسميا عام 1912.
Casa Batlló ( بيت العظام)
نادي برشلونه ( الكامب نو)
متحف نادي برشلونه
متجر النادي
يوم المباراه:في موقف ماانساه قبل المباراه ...شفنا واحد ياباني زاخينه الشرطه ويطلعونه من الملعب والياباني يقاوم يبغي يدخل الملعب ..احنا قلنا يمكن مسوي شغب او مضارب ..المهم بعد مقاومة الشرطه وطلعوه بدا يصيح بقهر كسر خاطرنا ..وقلنا خلنا نسأله شوفيك ..قال تذكرة المباراه طلعت مزوره قلنا له من وين خذيتها قال من السوق السوده شفنا تذكرته ..مافيها شي يبين ان التذكره مزوره ..بس قال ان في مكتب تشييك التذاكر اكد لي انها مزوره ...ومسكين تم يصيح ..قال لنا انا ياي من اليابان الى هنا عشان احضر المباراه ومجمع فلوس عشان بس احضر وبالاخير ماقدرت ادخل المباراه...موقف محزن ..!!
من هنا وهناك
@@@@كانت رحله حلوه وسريعه ..!!!
والجو كان بارد وممطر تقريبا على طول سفرتنا ..!!
منقول
