السموحه على التاخير يا شباب
بانكوك
كان الوصول الى بانكوك من مطار كوالالمبور على طيران اير اسيا
المهم وصلنا بانكوك خلصنا الجوازات بسهوله ويسر . وذهبنا الى الخارج وحصلت شخص تايلندي يصوت علي و يقول تاكسي قلت بكم قال 700 بات قلت لا 400 قال لا و اخر شي اتفقنا على 450 مع الهايوي.
انطلقنا وكنت مو حاجز فندق فقلت له ودني مكتب TAT مكتب سياحي و رحنا المكتب و اخذلنا نصف ساعه لين اخترنا فندق وكان الاختيار فندق فيرست هوتيل First hotel وكن سعره 1500 بات لليله.
خليت التاكسي ينتظرني و رجعت و ركبت التاكسي و قلت له فيرست هوتيل قال زيدني 50 بات لاني انتظرتك طويلا قلت اوكي.
وصلت الفندق وعطيتهم الرصيد وعطوني مفتاح الغرفه و اوراق الفطور و اخذو مني 1000 بات تامين على ان اخذها مره ثانيه عند الخروج.
دخلت الغرفه و كانت ما تستاهل هذا المبلغ وكانت مو في المستوى و لا الحمام التابع لها (بعد ما جربت بانمبوري كان باشه على هذا الفندق )
قلنا يلا ما دام احنا دافعين كامل بانتصبر على الوضع .... ريحنا شوي وانطلقنا الى اقرب محطه قطار معلق عشان نروح سوق الاحد وكانت هذي اول مره اركب القطار المعلق في تايلند بس كانت تجربه حلوه وسهله في نفس الوقت
اخذنا التذاكر و انتظرنا القطار و يوم وصل ركبنا و انطلقنا الى السوق وكان القطار زحمه .
وصلنا الى محطه السوق و نزلنا ورحنا تسوقنا وكان السوق زحمه بمعنا الكلمه وكبير وايد و يضيع
خلصنا من السوق و انطلقنا بالقطار مره اخرى الى الفندق ارتحنا قليلا ثم اخذنا تاكسي و انطلقنا الى سلوم نايت بازار اخذنا جوله سريعه في السوق اليلي و ثم رجعنا الى الفندق تناولنا عشائنا ثم خلدنا ال النوم للذهاب غدا الى الدريم ورلد
وهذه بعض الصور لسوق الاحد و السلوم نايت بازار