ضحيت بالفرح علشان أروح تايلاند--بالله عليكم فيدوني

السلام عليكم ورحمة الله وبركاته انا ان شاء الله فرحي فى شهر 9/2011 قررت انا وخطيبي منعملش فرح و نوفر فلوس الفرح لشهر عسل جامد فى تايلاند و بجد حلم...

marmar.abada

عضو جديد
مسجل بالموقع
ضحيت بالفرح علشان أروح تايلاند--بالله عليكم فيدوني
السلام عليكم ورحمة الله وبركاته

انا ان شاء الله فرحي فى شهر 9/2011
قررت انا وخطيبي منعملش فرح و نوفر فلوس الفرح لشهر عسل جامد فى تايلاند
و بجد حلم عمري انى ازور البلد دي

ياااااااريت حد يجاوب على أسألتى

10000جنيه مصري يكفوا قد إيه فى تايلاند شامل كل شىء من الطيران لحد مصاريفنا الشخصية يعنى عشر ألاف أول عن آخر وطبعا لفردين أنا وجوزي إن شاء الله

شهر 9 بيكون الجو أخباره إيه هناك؟؟

أسعار الأكل واللبس هناك غالية ولا رخيصة؟؟؟

بليز فيدوني لإني بجد تايهه
وياسلام بئا لو حد فيكوا ساعدني ورتبلي برنامج رحلة جامد فى حدود الميزانية اللى قولتها دي
يبئا بجد كتر ألف خيره
وجزاكم الله كل خير
 

محمد عبد القادر

مدير السياحة العلاجية في تايلاند
طاقم الإدارة
مسئول بالشركة
ضحيت بالفرح علشان أروح تايلاند--بالله عليكم فيدوني
وعليكم السلام ورحمة الله وبركاته

كبداية ألف مبروك يا عريس وربنا يتمم بخير - شوف يا سيدى لو زى ما بتقول 10.000 جنيه شامله الطيران الدولى أيضا - ده صعب جدا أما لو الـ 10.000 فقط للرحله داخل تايلاند من فنادق وطيران داخلى ورحلات سياحيه وغيره فهدا ممكن نقول من أسبوع إلى 10 أيام على حسب الفنادق إللى هاتختارها ولو إن شهر 9 بيكون أفضل الأسعار .

- الجو فى شهر 9 مثله مثل باقى الأشهر حيث أنها منطقه إستوائيه عموما والجو بيكون معتدل طوال العام والملبس صيفى علطول .

- أسعار الأكل واللبس فى تايلاند تقريبا مثل مصر ولو هاتأكلوا أكل عربى هايكون أغلى أما لو هاتقتصر على المطاعم الفاست فوور مثل ماكدونالدز وكنتاكى فالسعر يكون أرخص - والأسواق الخاصه بالملابس متعدده وبأسعار متفاوته وحسب راحتك .

- لو عاوز برنامج تفصيلى بالأسعار - فضلا إكتب طلبك هنا :
http://thai-trips.net/newboard/forumdisplay.php?f=7

بالتوفيق
 
توقيعي
أعلى