السلام عليكم
نكمل معكم التقرير لرحله العسل و الي ودي اكررها عما قريب انشاء الله
بعد رحله دريم ورلد و التسوق في الليل رجعنا الفندق وشفت ان عندي يوم في بانكوك زود و ما عندي شي مهم اسوي بعد ما كنسلت روحت السفاري ورلد...... وكان خاطر زوجتي انها ترضع نمر صغير و انا اذا ما خاب ضني اني اعرف ان في حديقه النمور في بتايا فيها نمر صغير للرضاعه
قلت لزوجتي شرايك اوديك بتايا ... قالت انا ماعرف انت اي مكان معاك اكيد حلو
قلتلها اوكي برزي روحك بوديك بتايا ..... بنروح الصبح و بنرجع في الليل يعني في نفس اليوم
المهم من الصباح ركبنا القطار المعلق ورحنا المحطه الي بالقرب من محطه الباصات ( انشاء الله بنزل تقرير عن طريقه الذهاب بالباص) المهم وصلت المحطه و اخذت تذكرتان بسعر الواحده 120 بات تقريبا
انطلقنا بالباص و كانت الرحله مدتها 3 ساعات تقريبا
بعد الوصول الى بتايا وان الجو ممطر و مطر غزير جدا ...... قلت اذا ما وقف المطر بيخترب البرنامج وقلت انشاء الله يوقف
قلت للتاكسي ودني الى حديقه النمور قال احين ما تلحق تروح لها بس انا ما اقتنعت ...كانت الساعه 12 الظهر
المهم اخذت تاكسي من محطه الباصات في بتايا الى مجمع الرويال جاردن قبل ما ادخل رحت مكتب سياحي وسالت وقالت الموظفه احين ما في مجال بكره الصباح ممكن .... قلت لزوجتي مالك نصيب انشاء الله في الزياره الثانيه لتايلند
رحنا الرويال جاردن اخذنا جوله في المجمع وبعدها رحنى جهت بليف ات اور نود (الالعاب في المجمع) دخلنا السنما الفور دي 4d (رباعي الابعاد) دخلنا فلم واحد ولاكن زوجتي وايد عجبتها الفكره وقالت خلنا ندخل مره اخر فقمت بادخاله كل الافلام المعروضه وهي 8 افلام
وبعد ما خلصنا السينما قلت لها بيت الرعب قالت لا يكفي الي رحنا في ماليزيا (جنتنج هاي لاند) وخافت منه وايد
وكانت تقولي انا ما اخاف (متعوده على الرعب في مجمع السيف ) بس من دخلت الى في ماليزيا قالت توبه ما ادخل بيت رعب مره اخرى ههههههههههههههه
المهم قلت لها خلنا ندخل المتاهه الزجاجيه بس قالت لي انها تعبانه ...... وحسيت انها مريضه وحرارتها مرتفعا شوي قلت لها ليش ما قلتي لي من قبل قالت ما بغيت اخرب عليك وناستك
المهم خرجنا من المجمع وعلى طول الصيدليه واخذنا بعض الادويه و قلت لها اخذ تاكسي ونرجع قالت كيفك .... بس شفتها تعبانه قلت باخذ غرفه في فندق ونريح كم ساعه وبعدين نشوف الوضع
المهم حصلت غرفه في فندق ما عرفت اسمه بسعر 600 بات شفت الغرفه وكانت نظيفه وزينه لتمضيت كم ساعه اخذتا ورحنا ريحنا نمنا الى الساعه 6 المغرب صحينا من النوم وشفتها صارت احسن بوايد وقلتلها شلون قالت اوكي
خرجنا والا المطر واقف (الحمدلله) تمشينى في بتايا وذهبنا الى مجمع مايكي والى بعض المحلات الي على الشارع وخذنا لنا كم شوط في شارع جهنم .. الوكنج ستريت ...
بعدها تعشينا في مطعم على البحر في الوكنج ستريت وقلت لزوجتي هذي اخر عشاء سي فود في تايلند .... طلبي اي شي في خاطرك
اخذنا كنج لوبستر 1 كيلو و كنج قبقب (قبقب كان عود اول مره اشوف قبقب هذي كبره) و ربيان جامبو و سمكه متوسطه خليناه يسويها حامض حلو
والحساب كان تقريبا 4000 بات
بعد العشاء تمشينى في الوكنق ستريت عشان نهضم العشاء وجلسنا عن محل العسكريم الي في الشارع (ايطالي) اخذنا ايسكريم وبعدها اتفقت مع تاكسي عشان ارجع بانكوك ب 800 او 900 بات مومتاكد
وصلنا الفندق وذهبنا للراحه ليم بكره الي كان اخر يوم في تايلند وكنت ناوي اروح لحديقه النمور من بانكوك ولا اخلي شي في خاطر زوجتي ولاكن قدر الله وما شاء فعل
و الفقره الجايه بنشوف شنو صار
شكرا للمتابعه